web counter
LEXO PA REKLAMA!

SHKARKO APP

App Store
Google Play

E fundit!

x

Nga vrasja e 7-vjeçares tek atentatet mafioze/ Përgjaket sezoni turistik

18 Gusht 2022, 11:04, Aktualitet CNA

Nga vrasja e 7-vjeçares tek atentatet mafioze/ Përgjaket sezoni

Muaji gusht, kohë sezoni turistik është përgjakur nga vrasjet.

Atentate mafioze apo vrasje për motive të dobëta, vrasje nga pakujdesia siç i përkufizon rëndom policia, kanë lënë pas disa viktima.

Që në ditën e parë gushti është përgjakur nga një vrasje në Tiranë.

Me 1 gusht, një person ka humbur jetën në kryeqyetet pasi është goditur me grushte nga fqinji i tij.

Në pranga është vënë 51-vjeçari Alban Meneri si autor i dyshuar i ngjarjes.

Policia bëri me dije se viktima ishte shtetasi Nikolin Staka.

Nga vrasja e 7-vjeçares tek atentatet mafioze/ Përgjaket sezoni

Një ditë më pas me 2 gusht, një ngjarje tragjike u regjistrua në plazhin e Potamit në Himarë.

7-vjeçarja Jonada Avdia u godit me skaf nga komisari i Policisë, Arjan Tase, i cili po bënte manovra në breg të detit.

Tragjedia preku mbarë opinionin publik, pati edhe dy protesta, që më pas u shuan, ashtu siç nisën dhe e mitura mbeti statistikë në dosjet e policisë.

Nga vrasja e 7-vjeçares tek atentatet mafioze/ Përgjaket sezoni

Një javë më pas, me 8 gusht, një sherr banal i ka kushtuar jetën një qytetari.

Ngjarja e rëndë ka ndodhur në Maliq, ku Velo Hazisllari ka goditur me thikë bashkëfshatarin e tij, Nesti Sotiri.

Nga vrasja e 7-vjeçares tek atentatet mafioze/ Përgjaket sezoni

Me 10 gusht, një 55-vjeçar i identifikuar si Luan Hushi është vrarë në Fushë-Krujë.

Si autor i ngjarjes dyshohet të jetë një fqinj i tij, i cili është larguar nga vendi i ngjarjes, por që u kap 48 orë më pas teksa po tentonte të kalonte kufirin.

Nga vrasja e 7-vjeçares tek atentatet mafioze/ Përgjaket sezoni

Krimi ka goditur një javë më vonë, në Sarandë.

Pasditen e 17 gushtit, në Sarandë u vra një 41-vjeçar nga dy vëllezër kamarierë që punonin në një hotel.

Një ditë më pas ata janë arrestuar së bashku me punëdhënësin e tyre.

Nga vrasja e 7-vjeçares tek atentatet mafioze/ Përgjaket sezoni

Kur kishin kaluar pak orë nga ngjarja e Sarandës, një tjetër krim është regjistruar në Elbasan.

Nga atentati me armë zjarri i ndodhur mbrëmjen e kaluar në Elbasan, ka humbur jetën shtetasi Madrit Ulqinaku 25-vjeç.

Ulqinaku, baba i dy fëmijëve, është qëlluar me armë zjarri nga një 18-vjeçar siç konfirmon policia.

“Më datë 17.08.2022, rreth orës 21:50, në lagjen “Kongresi”, Elbasan, gjatë një konflikti për motive të dobëta midis disa të rinjve, dyshohet se shtetasi K.SH, rreth 20 vjeç, ka qëlluar me armë zjarri pistoletë dhe për pasojë ka humbur jetën shtetasi M. U., rreth 25 vjeç, banues në Elbasan”, njoftoi Policia.

Nga vrasja e 7-vjeçares tek atentatet mafioze/ Përgjaket sezoni

Një ditë më pas, mëngjesin e 18 gushtit, një atentat mafioz ka tronditur dhe terrorizuar Vlorën.

Në sy të dhjetëra qytetarëve dhe turistëve janë ekzekutuar dy persona, ndërsa ka mbetur i plagosur një i tretë.

Për pak minuta është gjetur e djegur makina, e cila dyshohet se është përdorur nga autorët.

Në automjetin e djegur që është gjetur në zonën e Levanit janë gjetur edhe tre kallashë, të cilët dyshohet se janë përdorur nga autorët, që për momentin janë të paidentifikuar./CNA.al

Nga vrasja e 7-vjeçares tek atentatet mafioze/ Përgjaket sezoni





Lajmet e fundit nga