web counter
LEXO PA REKLAMA!

SHKARKO APP

App Store
Google Play

E fundit!

x

Si kurrë më parë/ 10 birra i bashkohen festës ‘magjike’ në Korçë

17 Gusht 2022, 21:54, Aktualitet CNA
Si kurrë më parë/ 10 birra i bashkohen festës
Foto nga "Festa e Birrës"

Si kurrë më parë, 10 marka të njohura birrash i janë bashkuar edicionit të 16-të të “Festës së Birrës”, në qytetin e Korçës.

Teksa festa ka filluar, qytetarët janë duke shijuar muzikën e këndshme me birrën e preferuar, që tashmë vjen në 10 lloje.

Mungon në zonat e festës Birra Korça, pasi Irfan Hysenbelliu nuk shkoi, por mund ta gjeni në lokale dhe te Panda.

Ndërkohë, në këtë natë të parë kanë mbërritur mijëra qytetarë në Korçë. Të ftuarit specialë janë reperi Capital T, grupi shumë i dashur për publikun West Side Family, Lore dhe Dj i famshëm Vin Veli.

Por përveç mbrëmjes së sotme, qytetarët kanë mundësi të shijojnë birrat dhe atmosferën fantastike edhe 4 netë të tjera festive.

Nesër do të performojnë artistët e mirënjohur Eranda Libohova, Niko Dj, All In Band dhe Offchestra.

Një natë "e zjarrtë” do të jetë edhe ajo e 19 gushtit me artistët Eugent Bushpepa, Tiri Gjoci, Flashback dhe Brios Band.

Supriza e këtij viti është pjesëmarrja e këngëtarit të njohur grek, Konstantinos Argiros, i cili do të “ndezë” atmosferën më 20 gusht, së bashku me këngëtaren shqiptare Anxhela Peristeri.

Ndërkohë, 21 gushti do të jetë nën muzikën e të madhes Aurela Gaçe, e cila si gjithmonë di të “ndezë” skenën dhe të ngrejë peshë zemrat e publikut.

Personat që janë të interesuar për tavolinat me rezervime, mund t’i prenotojnë ato në faqen "www.festaebirres.com", ku gjeni dhe të gjitha sqarimet e vlerat e pagesës për rezervim sipas ditëve, ose mund të kontaktojnë në numrin e telefonit 0695541654./ B.A. – CNA.al





Lajmet e fundit nga