E fundit!

16:16 Aktualitet

Faktet/ Pse Veliaj e vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

Nesër starton “Festa e Birrës”/ Kush janë të ftuarit që “do të mbajnë në peshë” atmosferën

16 Gusht 2022, 18:23, Aktualitet CNA

Nesër starton “Festa e Birrës”/ Kush janë të

Foto nga "Festa e Birrës" së vitit të kaluar

Nesër starton dita e parë e “Festës së Birrës”, festës më të madhe dhe më të “zjarrtë” të organizuar ndonjëherë.

Mbi 50 artistë shqiptarë dhe të huaj do të performojnë në datat 17-21 gusht, në “Festën e Birrës”, duke krijuar një atmosferë magjike.

Ditën e nesërme, të ftuar specialë për të ndezur atmosferën do të jenë reperi Capital T, grupi shumë i dashur për publikun West Side Family, Lore, Dj i famshëm Vin Veli.

Më datë 18 gusht do të performojnë artistët e mirënjohur Eranda Libohova, Niko Dj, All In Band dhe Offchestra.

Një natë magjike do të jetë edhe ajo e 19 gushtit me artistët Eugent Bushpepa, Tiri Gjoci, Flashback dhe Brios Band.

Nesër starton “Festa e Birrës”/ Kush janë të

Supriza e këtij viti është pjesëmarrja e këngëtarit të njohur grek, Konstantinos Argiros, i cili do të ndezë atmosferën më 20 gusht, së bashku me këngëtaren shqiptare Angela Peristeri.

Ndërkohë, 21 gushti do të jetë nën muzikën e të madhes Aurela Gaçe, e cila si gjithmonë di t’i japë ngjyra dhe atmosferë festës.

Këto emra dhe plot të tjerë do t’i bashkohen artistëve të sipërpërmendur për të dhuruar 5 netë fantastike në Korçë.

Nesër starton “Festa e Birrës”/ Kush janë të

Si asnjëherë tjetër, këtë vit pritet që në “Festën e Birrës” të ketë një pjesëmarrje shumë të madhe, duke qenë se të shumtë kanë qenë edhe emigrantët që janë kthyer në atdhe për të shkuar në Korçë.

Festa do të organizohet te terminali i ri i autobusëve, në hyrje të qytetit të Korçës.

Gjithashtu, festa do të ketë skenë edhe te Pazari i Vjetër. Ajo do të hapet në orën 20:00 dhe qytetarët do të kenë mundësinë të argëtohen me këngëtarët më të dashur për publikun.

Si risi janë tavolinat me rezervime, të cilat mund t’i prenotoni në faqen "www.festaebirres.com", ku gjeni dhe të gjitha sqarimet e vlerat e pagesës për rezervim sipas ditëve, ose mund të kontaktoni në numrin e telefonit 0695541654.

Për ata që nuk duan të prenotojnë një tavolinë, gjithë hapësira tjetër e festës veç zonës me rezervime është e lirë dhe nuk kërkon rezervim paraprak.

Mos mungoni në këtë festë birre! Netë magjike ju presin!/ B.A. – CNA.al