web counter
LEXO PA REKLAMA!

SHKARKO APP

App Store
Google Play

E fundit!

x

Ndahet nga jeta ish-ministri i Bujqësisë, profesori Haxhi Aliko

18 Gusht 2022, 08:38, Aktualitet CNA

Ndahet nga jeta ish-ministri i Bujqësisë, profesori Haxhi Aliko

Është ndarë nga jeta në moshën 82-vjeçare pedagogu dhe personaliteti i Shkencave Veterinare në Shqipëri, Haxhi Aliko. Aliko ka pasur një karrierë të spikatur si në fushën akademike ashtu dhe në atë politike. 

Po ashtu, Aliko është angazhuar edhe në politikë, ku është zgjedhur deputet, e më pas është emëruar ministër i Bujqësisë, në qeverinë e Bashkim Finos në vitin 1997.

Lajmin e trishtë e ka konfirmuar Mjekësia Veterinare Shqiptare:

“Jeta e profesor Alikos është e lidhur ngushtë me Fakultetin e Mjekësisë Veterinare, në të cilin u shkollua dhe zhvilloi një karrierë të shkëlqyer akademike 35-vjeçare, duke e filluar si asistent lektor dhe duke vijuar si titullar i lëndës 'Fiziologjia e Kafshëve Bujqësore', përgjegjës i Katedrës 'Fiziologji-Biokimi' për 16 vjet dhe deri në Rektor i Universitetit Bujqësor të Tiranës për 4 vjet.

Si pedagog, Prof. Haxhi Aliko ka qenë kompetent i padiskutueshëm në lëndën e fiziologjisë dhe njëherësh tepër metodik e serioz në raport me studentët. Njohuritë e thella, qetësia dhe elokuenca në përçimin e njohurive si dhe formimi i tij kulturor universal, ishin tiparet dalluese që i dhanë atij statusin e një profesori autoritar në mjedisin universitar.

Edhe sot e kësaj dite, gjenerata të shumta të studentëve i kujtojnë me nostalgji leksionet e mrekullueshme të Prof. Alikos.

Prof. Haxhi Aliko ka shumë vlerësime, tituj e dekorime në jetën e tij dhe është një nga personalitetet me gjurmë të pashlyera në historinë e Fakultetit të Mjekësisë Veterinare”, thuhet në njoftimin e Mjekësisë Veterinare Shqiptare./CNA.al





Lajmet e fundit nga