E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

“Festa e Birrës” ndez Korçën/ Qyteti i artit, në sytë e turistëve

18 Gusht 2022, 10:36, Aktualitet CNA

“Festa e Birrës” ndez Korçën/ Qyteti i artit,

Stenda e birrës "Peja" në Korçë

Nata e parë e festës më të madhe në Korçë, ka mbledhur në sheshin e terminalit të qytetit mijëra qytetarë korçarë, turistë vendas e të huaj. Nën tingujt e muzikës të përzgjedhur posaçërisht për publikun, këngëtarët e mirënjohur që performuan ishin West Side Family, Dj Vin Veli, ndërsa qershia mbi tortë për pjesëmarrësit, ishte padyshim Capital T. Nata ka qenë e gjatë, me një atmosferë fantastike, me brohoritje nga publiku dhe trokitjen e gotave të birrës me njëri-tjetrin.

Njëra nga birrat e preferuara mbetet birra “Peja”, e cila rikthehet me stendën e saj në këtë event madhështor për të qëndruar pranë klientëve të saj më besnikë. Janë ata që për disa orë në mbrëmje, kanë shijuar birrën “Peja”, duke u kënaqur edhe më tepër.

Taulant Mihaj, njëri prej djemve të zgjedhur për t'u shërbyer klientëve birrën “Peja” në këtë natë, ka treguar se si po përjetohet nata e parë e festës.

"Është nata e parë dhe po shohim që klientët zgjedhin birrën 'Peja' për të konsumuar. Është një birrë e një cilësie të lartë, shumë e pëlqyer nga klientët, një birrë që nuk 'të lë' ta pish vetëm një gotë, por do të duash të marrësh edhe të tjera. Kjo natë e parë ka shkuar shumë mirë, shitja e birrës 'Peja' ka qenë e madhe dhe shpresojmë që edhe ditët në vijim të jetë e njëjta gjë. Madje, jam i sigurt se do të jetë akoma më mirë në netët në vijim", shprehet Mihaj.

Çifti i turistëve nga Çekia

Mijëra turistë kanë përzgjedhur Korçën si destinacionin e tyre të rradhës, e jo vetëm ata vendas, por edhe shumë turistë të huaj. CNA.al ka biseduar me disa prej tyre, duke marrë përshtypjet lidhur me eventin madhështor.

Një çift nga Çekia, është bërë pjesë e Festës së Birrës këtë sezon, pasi janë vënë në dijeni të këtij eventi nga rrjetet sociale. Përshtypjet e tyre mbeten ndër më të mirat për atmosferën dhe mikpritjen korçare.

"Ne vijmë nga Çekia, donim të bënim një udhëtim rreth e rrotull Shqipërisë dhe pamë qytetin e Korçës në internet. Është shumë qytet interesant, dhe duhej patjetër të vija dhe ta shijoja festën. Atmosfera këtu është e mrekullueshme, është e ngrohtë dhe njerëzit janë mikpritës. Është shumë ndryshe nga vendi im sepse këtu njerëzit janë më të dashur”, thotë Vaclav Traxmandl.

Partnerja e tij, tregon se me shumë kënaqësi ka pranuar t’i bashkohet Vaclav në këtë udhëtim drejt juglindjes.

"Njerëzit janë me të vërtet shumë të dashur e mikpritës. Ne vendosëm të vinim të dy në Korçë, dhe mësova për festën nga partneri im, i cili e pa njoftimin në internet. Shoh që ka shumë njerëz, atmosfera është shumë festive dhe miqësore. Do të qëndrojmë vetëm natën e parë, fatkeqësisht e them këtë, sepse do donim të ishim të gjitha netët këtu", tregon Martina Rimsova.

Nata e parë e eventit madhështor “Festa e Birrës”, i ka sjellë qytetit një tjetër pamje festive dhe të ngrohtë. Ndërkohë që netët në vijim atmosfera pritet të jetë akoma më e zjarrtë me një dyndje qytetarësh dhe turistësh, që do të festojnë me njëri tjetrin dhe muzikën e përzgjedhur, si edhe gatimet tradicionale./ CNA.al