web counter
LEXO PA REKLAMA!

SHKARKO APP

App Store
Google Play

E fundit!

x

Policia zbardh detaje nga sherri në Sarandë/ Identifikohen viktima dhe autori

17 Gusht 2022, 20:02, Kronika CNA
Policia zbardh detaje nga sherri në Sarandë/ Identifikohen viktima dhe
Foto nga vendngjarja

Policia ka zbardhur detaje nga sherri me thika në lagjen Nr.1 të Sarandës, ku mbeti viktimë një person.

Mësohet se viktima është identifikuar si 41-vjeçari Klodian Bakiaj, ndërsa autori si shtetasi me iniciale Xh.T., 24 vjeç, banues në Laç.

Ngjarja dyshohet se ka ndodhur gjatë një konflikti të çastit. I riu ka gjuajtur me thikë Bakiajn dhe ky i fundit ka humbur jetën në spital, për shkak të plagëve të marra.

“Në vijim të informacionit paraprak të dhënë, ku dyshohet se gjatë një konflikti të çastit, një shtetas, si pasojë e dëmtimeve me mjete prerëse ka ndërruar jetë, në spitalin e Sarandës, ju informojmë se:

Si rezultat i veprimeve të shpejta hetimore, është bërë i mundur identifikimi dhe shpallja në kërkim e autorit të dyshuar, shtetasit Xh. T., 24 vjeç, banues në Laç.

Shtetasi Xh. T, dyshohet se gjatë një konflikti të çastit, në lagjen nr.1, Sarandë, ka goditur me mjete prerëse shtetasin K. B., 41 vjeç, banues në Tepelenë, i cili si pasojë e dëmtimeve të marrë, ka ndërruar jetë në spitalin e Sarandës.

Shërbimet e Komisariatit të Policisë Sarandë vijojnë punën intensive për kapjen e autorit të dyshuar”, thuhet në njoftimin e policisë.

Ndërkaq, grupi hetimor vijon punën për identifikimin e personave të tjerë që mund të jenë të përfshirë në këtë ngjarje si dhe zbardhjen e plotë të rrethanave të ngjarjes./ B.A. - CNA.al





Lajmet e fundit nga