web counter
LEXO PA REKLAMA!

SHKARKO APP

App Store
Google Play

Ministri Malaj: Programi IPARD III do të hapet gjatë vitit 2026

10 Nëntor 2025, 20:37, Aktualitet CNA

Ministri Malaj: Programi IPARD III do të hapet gjatë vitit 2026

Ministri i Ekonomisë, Petrit Malaj ka deklaruar në mbledhjen e sotme të Komisionit të Ekonomisë se programi IPARD III do të hapet në vitin 2026.

Gjatë fjalës së tij në Komision, Malaj u shpreh se qeveria shqiptare po punon për përmbushjen e masave të kërkuara nga Komisioni Evropian, për shkak të disa parregullsive të identifikuara në fazën e dytë të programit IPARD. Ai shtoi më tej se qeveria ka vendosur 30 milionë euro garanci sovrane për sektorin bujqësor.

“IPARD ka pasur rezultate pozitive edhe në fazën e parë edhe në fazën e dytë. Për shkak të disa parregullsive të identifikuara në fazën e dytë, Komisioni Evropian përmes DG AGRI kërkoi përmbushjen e disa masave nga qeveria shqiptare. Këto masa janë në proces përmbushjeje dhe jam shumë optimist se IPARD III do të hapet gjatë vitit 2026. Është vendosur një garanci sovrane prej 30 milionë eurosh për sektorin bujqësor, që u mundëson fermerëve dhe bizneseve të vogla të përfitojnë kredi të garantuara nga shteti deri në 70% të vlerës, me normë interesi prej vetëm 2%. Paralelisht, është krijuar edhe një linjë kredie prej 250 milionë eurosh, me norma të lehtësuara interesi, e vënë në dispozicion nga Banka e Shqipërisë, për të nxitur zhvillimin e sektorit të agropërpunimit, që do të jetë një nga prioritetet e qeverisë në vitet e ardhshme”, tha ministri. /CNA





Lajmet e fundit nga