web counter
LEXO PA REKLAMA!

SHKARKO APP

App Store
Google Play

E fundit!

x

Më 12 tetor mbahet seanca e parë në gjykatë për Fredi Belerin

3 Tetor 2023, 12:34, Aktualitet CNA
Më 12 tetor mbahet seanca e parë në gjykatë për Fredi
Fredi Beleri

Seanca e parë për Fredi Belerin do të mbahet më 12 tetor në orën 09:00.

Kandidati që fitoi zgjedhjet për kryetar bashkie në Himarë ndodhet në burg nën akuzën për krim elektoral.

Beleri nga ana e tij e ka konsideruar mbajtjen në burg si politike. Lidhur me mosbetimin e tij si kryebashkiak dhe me mbajtjen e tij në burg kanë reaguar dhe politikanë të Greqisë.

Belerit i është refuzuar 5 herë kërkesa për të dalë nga paraburgimi.

Konkretisht i është rrëzuar kërkesa një herë nga Gjykata e Vlorës, 2 herë nga Gjykata e Posaçme e Shkallës së Parë, një herë nga ajo e Apelit dhe një herë nga Gjykata e Lartë.

Të gjitha shkallët e gjykimit kanë vlerësuar se dyshimet për korrupsion në zgjedhje janë të arsyeshme dhe të bazuara në prova.

Në argumentin e Gjykatës së Posaçme thuhet se kryebashkiaku i zgjedhur i Himarës mund të largohet nga vendi. Gjykata e Apelit përdor arsyetimin se mund të pengojë hetimin apo edhe të prishë provat.

Ndërkohë, Gjykata e Lartë përmend dënimin me 3 vjet burg të 2006-ës dhe faktin që nuk ka shkuar asnjëherë në qeli, pasi i është shmangur procedimit penal.

Në përballjet e tij me gjykatën, kryebashkiaku i zgjedhur i Himarës ka mohuar akuzat ndaj tij, me pretendimin se janë të motivuara politikisht.

Megjithatë, të gjitha shkallët e gjyqësorit e shohin më të sigurt vijimin e hetimeve me Fredi Belerin në qeli./ CNA





Lajmet e fundit nga