web counter
LEXO PA REKLAMA!

SHKARKO APP

App Store
Google Play

Artan Hoxha zbulon çfarë ndodhi tri ditë para sulmit në Kosovë/ “Xhandarmëria serbe, terror në Luginën e Preshevës”

3 Tetor 2023, 07:35, Aktualitet CNA

Artan Hoxha zbulon çfarë ndodhi tri ditë para sulmit në

Gazetari investigativ Artan Hoxha ka komentuar zhvillimet e fundit në Kosovë. Gazetari deklaroi në emisionin "Të Paekspozuarit" me Ylli Rakipin, se ndërsa vëmendja dhe fokusi janë përqëndruar te zona e Rashkës apo kufiri mes Kosovës dhe Serbisë, është harruar zona e Luginës së Preshevës ku sipas gazetarit po ndodh një fushatë terrori dhe po çregjistrohen shqiptarët.

Ai zbulon se tri ditë para sulmit në Banjskë, xhandarmëria serbe ka pasur lëvizje të dukshme në zonat ku ka komunitet shqiptar.

Sipas gazetarit Artan Hoxha, ky është një mesazh i fortë kërcënimi dhe frike në zonën e Luginës së Preshevës, Medvegjës dhe Bujanovcit.

“Duke u përqendruar me zhvillimet në zonën e Rashkës dhe kufirin mes Kosovës dhe Serbisë, kemi harruar zhvillimet me Luginën e Preshevës. Miqtë që kam atje më kanë thënë se tri ditë përpara sulmit në Banjskë kishte pasur lëvizje të dukshme të ushtrisë serbe në Luginë dhe kanë qenë haptazi, edhe me xhandarmëri ku është komuniteti shqiptar. Ky është një mesazh shumë i fortë, një mesazh kërcënimi dhe frike në zonën e Luginës së Preshevës, Medvegjës dhe Bujanovcit. Deputeti shqiptar Shaip Kamberi e ka ngritur zërin në Parlamentin e Serbisë, por është i vetëm atje.

Ndërkohë me Kosovën që e ka armikun te porta, me Shqipërinë që flet sikur është Zvicra, ne, dashje pa dashje, kemi harruar pjesën tjetër të kombit, që është nën terrorin serb. Ne duhet ta ngremë në këtë moment se çfarë ndodh atje, se po i fshijnë nga adresat. A kemi ne një plan se çfarë duhet të bëjmë ne, si duhet t’i marrim në mbrojtje ata shqiptarë që ndodhen brenda Republikës së Serbisë?”, është shprehur Artan Hoxha./ CNA





Lajmet e fundit nga