web counter
LEXO PA REKLAMA!

SHKARKO APP

App Store
Google Play

E fundit!

x

Merr udhë lëvizja “Mos ik-Qëndro-Vepro”

2 Tetor 2023, 17:15, Aktualitet CNA

Merr udhë lëvizja “Mos ik-Qëndro-Vepro”

Një grup intelektualësh dhe qytetarësh të thjeshtë, pjesë e grupimit qytetar “Alternativa Civile”, promovuan në Tiranë lëvizjen “Mos ik - Qëndro - Vepro”, një përpjekje për të ndikuar në frenimin e largimit masiv të shqiptarëve, veçanërisht të rinjve.

Kriza ekonomike, sociale dhe politike që po thellohet, ka si shkak edhe largimin e risië, fuqisë punëtore dhe konsumatore dhe plakjen e shpejtë të popullsisë(1/4 e popullisë sot është e moshuar).

“Ne u bashkuam me qëllimin e vetëm, të përpiqemi të frenojmë rrokullisjen e shoqërisë tonë në një tatëpjetë fatale – tha gazetari Mentor Kikia, drejtues i kësaj lëvizjeje. Ne do të punojmë në rrjet, media dhe takime të drejtëpërdrejta, për ti bindur qytetarët shqiptarë jo thjeshtë të mos ikin, por të punojnë për ta ndryshuar realitetin e tyre”.

Motoja e kësaj fushate është: Nëse bashkia në qytetin tënd nuk punon mirë, mos braktis ti qytetin, por kërkoji llogari bashkisë!
Nëse qeveria jote nuk punon mirë, mos ik ti nga vendi, por kërkoi llogari qeverisë!

Nëse elita politike e vendit tënd është e korruptuar dhe të ka vrarë shpresën, mos ik ti, por bëj që të ikin ata.

Kikia, i tha CAN-së se fushata do të synojë të bindë qytetarët për rëndësinë që ka çdo individ për vendimmarrjen në këtë vend dhe për rolin që ata duhet të luajnë. Ne duam që të ngrihemi kundër frymës që është krijuar tashmë, se ikja është zgjidhja e vetme për të rinjtë.

“Ndaj ne i bëjmë thirrje çdo qytetari, në çdo qytet ku është, që të bashkohet me këtë lëvizje, për të ndikuar në zbutjen e këtij problemi madhor”/ CNA





Lajmet e fundit nga