web counter
LEXO PA REKLAMA!

SHKARKO APP

App Store
Google Play

Sulmi në veri të Kosovës/ Ministri i Jashtëm flet në Kuvend: Qëndrimi ynë mbetet i pandryshuar

2 Tetor 2023, 19:02, Aktualitet CNA
Sulmi në veri të Kosovës/ Ministri i Jashtëm flet në
Ministri i Jashtëm Igli Hasani

Ministri i Jashtëm, Igli Hasani në fjalën e tij në Kuvend tha se sulmi në veri të Kosovës është një akt i rëndë por sipas tij vendi ynë do të punojë për të siguruar një të ardhme të begatë për qyetetarët.

Hasani u shpreh se dialogu Kosovë-Serbi është rruga e vetme drejt paqes.

“Sulmi në veri të Kosovës është një akt i rëndë. Vrasja e një polici të Kosovës në krye të detyrës e bën edhe më tragjike këtë ngjarje. Mbështetja dhe solidariteti ynë shkon me popullin e Kosovës. Do të bëjmë përpjekje për të ndërtuar një të ardhme të begatë për të gjithë qytetarët. Autorët e kësaj ngjarej të vihen sa më shpejtë përpara përgjegjësisë. Policia e Kosovës ka të drejtën e plotë për të garantuar rendin e sigurinë. Është pozitive që ushtria serbe u tërhoq nga kufiri me Kosovën por është negative që ajo ushtri përdoret për shfaqje të tilla. Dialogu Kosovë-Serbi është rruga e vetme drejt paqes. Qëndrimi ynë mbetet i pandryshuar. Kemi deklaruar se formati i dialogut duhet të ngrihet në formatin e një konference. Asociacioni i komunave serbe është kuç për arritjen e një marrëveshje. Ngjarjet e fundit tregojnë se Kosova duhet ta kërkojë me këmbëngulje dialogun. Shqipëria ka qëndruar gjithmonë me Kosovën dhe do të qëndrojë dhe në këto kohë të vështira.”

Mirëpo deputeti i PD-së Gazment Bardhi kërkoi që të mbahet një qëndrim i qartë për situatën.

Sipas Bardhit, Hasani  lexoi statuset e kryeministrit në këto 72 orë pa mbajtur një qëndrim.

“Shpresova se Ministri i Jashtëm të dënojë sulmin e organizuar nga Republika e Serbisë mbi institucionet e sigurisë së Kosovës. Është një sulm i mbështetur nga Serbia mbi institucionet e Kosovës. Kuvendi duhet të dënojë sulmin e organizuar nga Serbia si dhe masat që do të marrë Shqipëria. Ministri lexoi statuset e kryeministrit në këto 72 orë pa mbajtur një qëndrim.”/ CNA





Lajmet e fundit nga