web counter
LEXO PA REKLAMA!

SHKARKO APP

App Store
Google Play

E fundit!

x

Rama diskutime për përmirësimin e klimës së biznesit/ Është koha të heqim barrierat dhe të lehtësojmë procedurat

3 Tetor 2023, 10:32, Aktualitet CNA
Rama diskutime për përmirësimin e klimës së biznesit/
Kryeministri Edi Rama

Kryeministri Edi Rama, së bashku me ministren për Sipërmarrjen, Delina Ibrahimaj, po zhvillojnë një takim me bizneset mbi nismën e re të qeverisë për një rishikim tërësor të procedurave administrative të biznesit dhe shkurtim të hallkave burokratike e përmirësim të mëtejshëm të klimës së biznesit.

Gjatë fjalës së tij, Rama u shpreh se ka ardhur koha që të rifokusohen tek analiza e detajeuar që ka nisur të bëhet brenda institucioneve të qeverisë mbi të gjithë procedurat.

Numri një i qeverisë deklaroi se çdo procedurë do të shihet me syrin kritik për të kuptuar se çfarë e ndihmon dhe pengon shtetin dhe biznesin te procedurat.

Rama thekosi se heqja e barrierave dhe hapja e kanaleve të frymëmarrjes të organizimit të shoqërisë sonë që lidh bashkë biznesin me shtetin në funksion të interesit privat dhe publik është një domosdoshmëri e vazhueshme dhe është një proces që ka nevojë për përmirësim.

Kreu i qeverisë nënvizoi se është koha për të riparë të gjitha proceset dhe për të bërë një lehtësim tjetër.

“Të gjithë e keni parë se para pak ditësh Shqipëria mori një vlerësim të ri nga ana e një kompanie prestigjioze që përcakton nivelin e vendeve në aspektin e ecurisë ekonomike. Kemi kaluar nga prespektivë e qëndrueshme në pozitive. Është sinjal domethënës se për çfarë kemi bërë deri më sot dhe inkurajues për çfarë mund të bëjmë më tutje. Ka ardhur koha të rifokusohemi bashkërisht në një analizë të detajuar që kemi nsiur ta bëjmë brenda institucioneve dhe strukturave të qeverisë mbi të gjithë procedurat. E kemi nisur duke e parë me sy kritik çdo procedurë për të kuptuar se çfarë mund të lehtësohet nga pikëpamja e asaj që është e shkruar, kjo do jetë e mangët nëse nuk marrim nga ju këndvështrimin mbi atë se si procedurat që janë të shkruara në letër për të pasur një licencë, leje, dokument të caktuar për aktivitetin tuaj përkthehen në realitetin e përditshëm dhe cilat ndihmojnë dhe pengojnë interesin e shtetit dhe klimën e biznesit.

Ju informoj se do t'i japim një pyetësor sipërmarrjeve por përtej pyetësorit do mirëpresim çdo sugjerim nga ju bazuar në eksperiencën tuaj. Heqja e barrierave dhe hapja e kanaleve të frymëmarrjes, të organizimit të shoqërisë sonë që lidh bashkë biznesin me shtetin në funksion të interesit privat dhe publik është një domosdoshmëri e vazhdueshme dhe besoj se është një proces që ka nevojë për përmirësim, por në këtë fazë që sot janë bërë disa vite që është ecur përpara mbi bazën e një lehtësimi të bërë më parë. Është koha për të riparë të gjitha proceset dhe për të bërë një lehtësim tjetër. Po bëjmë punën tonë brenda institucioneve. Kjo është një punë që bëhet për sipërmarrjen”, tha Rama./ CNA





Lajmet e fundit nga