web counter
LEXO PA REKLAMA!

SHKARKO APP

App Store
Google Play

E fundit!

x

Ulja e tarifave të roaming-ut BE-Ballkani Perëndimor/ Rama: E konkretizuar pas firmosjes së marrëveshjes në samitin historik

3 Tetor 2023, 08:56, Aktualitet CNA
Ulja e tarifave të roaming-ut BE-Ballkani Perëndimor/ Rama: E
Foto ilustruese

Kryeministri Edi Rama e ka nisur ditën e sotme me lajmin e mirë se duke nisur nga 1 tetori çmimet e Internet Roaming mes Europës dhe Ballkanit Perëndimor janë ulur mesatarisht deri në 99%.

“MIRËMËNGJES dhe me lajmin e mirë se prej 1 tetorit, çmimet e "Internetit Roaming" mes Europës dhe Ballkanit Perëndimor janë ulur mesatarisht deri 99%, të konkretizuar pas firmosjes së marrëveshjes në samitin historik të dhjetorit në Tiranë, ju uroj një ditë të mbarë”, shkruan Rama.

Deklarata për roaming BE-Ballkani Perëndimor, u nënshkrua në Samitin BE-Ballkani Perëndimor në Tiranë më 6 dhjetor 2022 dhe ka hyrë zyrtarisht në fuqi nga data 1 tetor, duke shënuar kështu datën e një ndryshimi të madh.

Pas gati një viti pune të përbashkët intensive, të Këshillit të Bashkëpunimit Rajonal (RCC) dhe Komisionit Evropian, si edhe me mbështetjen politike të BE-së dhe BP-së, operatorët e telekomunikacionit të Ballkanit Perëndimor dhe Bashkimit Evropian, jo vetëm kanë plotësuar kërkesat e deklaratës, por në shumë raste i kanë tejkaluar pritshmëritë.

Duke nisur nga ky tetor, kufiri i çmimit për 1 GB roaming i të dhënave në kuadër të ofertave dhe paketave speciale, në përputhje me Deklaratën e Roaming, nuk duhet t’i kalojë 18 euro, duke e bërë kështu udhëtimin dhe komunikimin mes BE-së dhe BP-së dukshëm më ekonomik. Në shumë raste, kufiri i çmimit prej 18 eurosh brenda ofertave dhe paketave speciale shkon edhe shumë më i ulët, deri në 1.6 euro për 1 GB, ndërsa tre operatorë të Ballkanit Perëndimor, krahas çmimeve të paketave të ulura edhe të rregullta, do të operojnë dhe me çmimet sipas modalitetit “pay as you go” (që do të thotë se nuk duhet të blesh asnjë paketë ekstra, ndërsa udhëton, veçanërisht për udhëtime të shkurtra)./ CNA





Lajmet e fundit nga