Liturgjia Hyjnore/ Mesazhi i Fortlumturisë së Tij, Joanit: Prania e Zotit i jep paqe zemrës dhe mendjes së njeriut

7 Dhjetor 2025, 10:33, Aktualitet CNA

Liturgjia Hyjnore/ Mesazhi i Fortlumturisë së Tij, Joanit: Prania e

Kryepiskopi i Tiranës, Durrësit dhe gjithë Shqipërisë ka drejtuar Liturgjinë Hyjnore në Katedralen “Ngjallja e Krishtit”. Fortlumturia e Tij gjatë predikimit theksoi rëndësinë e mesazheve të Ungjillit në jetën tonë.

Kryepiskopi Joan u shpreh se të shkuarit në kishë, bën që të ndjesh më shumë praninë e Zotit, duke i dhënë paqe e ndriçim zemrës dhe mendjes.

Fortlumturia e tij më tej gjatë predikimit tha se zilia dhe smira shkatërrojnë shpirtin, zemrën dhe mendjen e njeriut, ndërsa theksoi se lutja në kishë, ndihmon në luftimin e tyre.

“Në këtë Ungjill të sotëm në mund të shohim shumë gjëra që mund të jenë tek ne. Sepse Ungjilli është një pasqyrë e vërtetë. Të gjithë njerëzit krijojnë pasqyra të rreme, atë qe duan ata të jenë. Por nëse shohim veten në pasqyrën e Ungjillit nuk do dalim aq të bukur, do shohim se kemi mangësira. Mund të kemi zilira, inate, mllefe, ambici, krenarira boshe e gjithcka tjetër. Duke u ndalur tek Ungjilli ne fillojmë njohim dhe veten tonë realisht.

Nëse vemë në Kishë ditën e dielë kemi shumë shanse të takojmë Perëndinë. Takimi me Perëndinë gjithmonë sjell transformimin tënd. Nëse do jemi në kishë, është shansi që Zoti të drejtojë çdo shtrembërim fizik apo shpirtëror. Prania e Zotit i jep paqe zemrës së njeriut, i jep ndriçim mendjes së tij.

Zoti do që ne të vijmë në kishë të dielën për të mirën tonë. Zilia është diçka e tmerrshme, të gjithë ne e kemi në forma të ndryshme, prandaj duhet luftuar. Smira dhe zilia e shkatërrojnë shpirtin, zemrën dhe mendjen e njeriut. Duke ardhur në Kishë mund të gjejmë forcën për ta luftuar. Nëse nuk arrijmë të dallojmë fajin tek vetja jonë, kjo është sëmundja më e madhe. Mëkatari më i madh është një njeri që nuk e dallon mëkatin e tij dhe e ngre në rangun e virtytit. Kjo është hipokrizia në besim. Ungjilli i sotëm na fton të largohemi nga hipokrizia. Në një njeri i përulur mund ta dallojë te keqen te vetja e tij. Mendja krenare nuk e pranon. Prandaj Zoti është kundra krenarëve. Këto mësime që vijnë nga Shkrimi i Shenjtë janë bazë për jetën e përditshme“, u shpreh Fortlumturia e Tij, ndër të tjera gjatë predikimit. /CNA