web counter
LEXO PA REKLAMA!

SHKARKO APP

App Store
Google Play

Adoleshenti humbi jetën/ Spitali i Durrësit: Nuk kanë ikur dritat gjatë ndërhyrjes kirurgjikale

5 Dhjetor 2025, 20:14, Aktualitet CNA

Adoleshenti humbi jetën/ Spitali i Durrësit: Nuk kanë ikur dritat

Spitali Rajonal Durrës ka reaguar pak minuta më parë lidhur me ngjarjen e rëndë të humbjes së jetës së një 15-vjeçari, pas 9 ditësh i shtruar në spital. 

Përmes një deklarate për shtyp, sqarohet se ndryshe nga aludimet nuk ka pasur asnjë ndërprerje të energjisë elektrike gjatë ndërhyrjes kirurgjikale të adoleshentit.

Sipas spitalit, që në momentin e mbërritjes, 15-vjeçari E.B., u paraqit në gjendje jashtëzakonisht të rëndë për shkak traumatik-hemorragjik.

“Duke shprehur ngushëllimet më të sinqerta për familjen e të miturit E.B, i cili humbi jetën informojmë opinionin publik se pacienti është paraqitur në gjendje jashtëzakonisht të rëndë, në shok traumatik–hemorragjik.

Ekipet mjekësore kanë ndërhyrë menjëherë me procedura emergjente të specializuara, duke arritur stabilizimin fillestar dhe trajtimin intensiv pasues. Komplikacionet e zhvilluara janë pasojë e gjendjes kritike dhe arrestit kardiak traumatik.

Në vijim të publikimeve mediatike mbi pretendimin se gjatë ndërhyrjes kirurgjikale në Spitalin Rajonal Durrës “kanë ikur dritat”, sqarojmë opinionin publik si më poshtë:

Pas verifikimeve të kryera me ekipet e sallës së operacionit, anestezistët dhe stafin e reanimacionit, nuk është konstatuar asnjë ndërprerje energjie gjatë operacionit të pacientit në fjalë.

Sistemi i gjeneratorit aktivizohet automatikisht dhe pajisjet jetike kanë bateri të brendshme rezervë, që sigurojnë vazhdimësi të plotë edhe në rast të luhatjeve të mundshme.

Gjithashtu, ashensorët e spitalit janë funksionalë dhe të mbuluar me kontratë aktive mirëmbajtjeje, me mekanizma ndërhyrjeje të menjëhershme në rast defektesh.

Spitali Rajonal Durrës është i angazhuar për garantimin e kujdesit shëndetësor dhe bashkëpunon plotësisht me institucionet kompetente për sqarimin e ngjarjes”,-thuhet në deklaratë./CNA 





Lajmet e fundit nga