web counter
LEXO PA REKLAMA!

SHKARKO APP

App Store
Google Play

GJKKO kalon për gjykim dosjen e kryebashkiakut socialist

5 Dhjetor 2025, 11:04, Aktualitet CNA

GJKKO kalon për gjykim dosjen e kryebashkiakut socialist

GJKKO ka vendosur të kalojë për gjykim dosjen e kryebashkiakut socialist të Vaut të Dejës, Kristian Shkreli.

Shkreli akuzohet për korrupsion aktiv në zgjedhjet e 11 majit.

"Kërkuesi Prokuroria e Posaçme kundër Korrupsionit dhe Krimit të Organizuar me datë 23.10.2025 ka paraqitur pranë Gjykatës kërkesën me objekt: “Dërgimin për gjykim të çështjes penale nr.49/1 të vitit 2025, në ngarkim të të pandehurit Kristian Shkreli, i akuzuar për veprën penale të “Korrupsioni aktiv në zgjedhje” parashikuar nga neni 328 të K.Penal”.

Në seancën e datës 05.12.2025 (seanca paraprake), Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Flora Hajredinaj, bazuar në nenet 112, 13 pika 3/1, 75/a shkronja b, 332, 332/a, 332/b, 332/c, 332/dh, 332/e dhe 332/ë të K.Pr.Penale, me vendimin nr. 159, datë 05.12.2025, vendosi:

Dërgimin për gjykim të procedimit penal nr.49/1 të vitit 2025 të Prokurorisë së Posaçme Kundër Korrupsionit dhe Krimit të Organizuar, në ngarkim të të pandehurit Kristian Shkreli, atësia L., amësia M., datëlindje ****, lindur në **** dhe banues në ****, ndërtesa nr. ****, hyrja nr. ****, ****, me arsim ****, me gjendje civile ****, me gjendje gjyqësore ****, me kombësi dhe shtetësi Shqiptare, i akuzuar për kryerjen e veprës penale “Korrupsion aktiv në zgjedhje” parashikuar nga neni 328 të K.Penal, trupit gjykues të përbërë prej 3 gjyqtarësh të ndryshëm në tërësi nga ky trup gjykues monokratik, dhe hedhjen e çështjes në short, për arsye se gjykata çmon se ka prova të mjaftueshme në favor të akuzës.

Fashikulli i gjykimit përcaktohet të përmbajë të gjithë aktet e kryera gjatë fazës së hetimit paraprak dhe konkretisht të përfshihen në volumin e parë me 431 fletë plus fleta e inventarit, volumi nr.2 me 232 fletë plus fleta e inventarit, volumi nr.3 me 234 fletë plus fleta e inventarit, volumi nr.4 me 324 fletë plus fletën e inventarit si edhe urdhërin për bashkimin e provës materiale me çështjen dhe proven përkatëse dhe aktet e paraqitura në seancën e sotme paraprake, duke përjashtuar procesverbalet ku janë dokumentuar deklarimet e shtetasve që kanë dijeni për veprën penale dhe personi nën hetim apo të pandehur për shkak se nuk mund të përdoren drejtëpërdrejtë në atë gjykim", thuhet ne njoftimin e GJKKO./ CNA

 





Lajmet e fundit nga