E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ndahet nga jeta Muho Asllani, ndër eksponentët e fundit të Byrosë komuniste

4 Dhjetor 2025, 17:57, Aktualitet CNA

Ndahet nga jeta Muho Asllani, ndër eksponentët e fundit të

Këtë të enjtë është ndarë nga jeta Muho Asllani, ish-anëtar i Byrosë Politike gjatë komunizmit.

Muho është ndarë nga jeta në moshën 88-vjeçarë në banesën e tij në qytetin e Durrësit.

Pas përfundimit të Shkollës së Partisë, Asllani u zgjodh anëtar i Komitetit Qendror, dukë mbajtur më pas një sërë detyrash si sekretar i parë në disa rrethe të vendit.

Pak nga jeta dhe veprimtaria e Muho Asllanit:

Muho Asllani u lindu në tetor të vitit 1937 në Bërdicë të rrethit të Shkodrës në një familje patriotike.

Në vitin 1953 mbaroi shkollën 7-vjeçare në Bërdicë dhe më tëj vijoi shkollën e mesme bujqësore në Lushnjë, por pas përfundimit të vitit të parë ndërpreu shkollën për tu rikthyer në Bërdicë.

Mbaroi Teknikumin Bujqësor të Shkodrës në vitin 1958. Në viti 1961 filloi Institutin Bujqësor dhe e mbaroi në vitin 1964. Ka mbaruar Shkollën e Partisë me korrespondencë në vitin 1968 dhe në nëntor të vitit 1971, pikërisht në Kongresin e VI të PPSH-së, u zgjodh anëtar i Komitetit Qendror të Partisë. Ndërkohë kryente edhe detyrën e Sekretarit të Komitetit të Partisë së Shkodrës, ku sekretar i parë ishte Prokop Murra.

Më 3 janar të vitit 1974 u emërua Sekretar i Parë i Komitetit të Partisë së rrethit të Matit. Nuk do të vononte shumë dhe në korrik të po atij viti, pra në 1974-ën, u emërua me detyrën e Sekretarit të Parë të rrethit të Kukësit. Në maj të vitit 1976 u emërua zëvendësministër i Bujqësisë. Në mars të vitit 1979 emërohet Sekretar i Parë i Komitetit të Partisë së Burrelit. Ka qenë Sekretar i Parë, në Shkodër. Në nëntorin e vitit 1981, pikërisht në Kongresin e Tetë të Partisë u bë anëtar i Byrosë Politike të Komitetit Qendror.

Më pas, duke qenë anëtar i Byrosë politike u emërua sërish Sekretar i Parë në Durrës. U shkarkua në vitin 1991 nga Byroja politike e drejtuar nga Ramiz Alia.