web counter
LEXO PA REKLAMA!

SHKARKO APP

App Store
Google Play

E fundit!

x

Dhoma Amerikane feston 25 vjetorin në Tiranë/ VanHorn citon Trump: Mendoni gjëra të mëdha!

3 Dhjetor 2025, 22:28, Aktualitet CNA

Dhoma Amerikane feston 25 vjetorin në Tiranë/ VanHorn citon Trump:

Dhoma Amerikane e Tregtisë në Shqipëri ka festuar 25-vjetorin e themelimit me një ceremoni të posaçme në Tiranë, ku morën pjesë përfaqësues të biznesit, diplomatë dhe figura të botës ekonomike.

E Ngarkuara me Punë në Ambasadën e SHBA-së, Nancy VanHorn dha një mesazh të qartë për rolin e rëndësishëm të Dhomës në forcimin e bashkëpunimit ekonomik mes dy vendeve.

VanHorn theksoi se Dhoma Amerikane është themeluar me një vizion të guximshëm, për të shërbyer si një urë mes komunitetit shqiptar dhe atij amerikan, dhe për të krijuar një mjedis të ndershëm konkurrues.

Në fjalimin e saj, VanHorn solli në vëmendje edhe një mesazh nga Presidenti Trump, ndërsa u ndal te rëndësia e “mendimit të madh”, duke kujtuar se kjo frymë ka ndihmuar në forcimin e partneriteteve me Shtetet e Bashkuara, në nxitjen e marrëveshjeve të drejta, konkurrencës së shëndetshme dhe në luftën kundër korrupsionit.

Ajo vuri në dukje se përmirësimet në sistemin e taksimit dhe politikat energjetike janë shembuj konkretë të ndikimit të Dhomës Amerikane në zhvillimin ekonomik të vendit.

“Është kënaqësi të bashkohem me ju për të festuar 25-vjetorin e Dhomës Amerikane të Tregtisë në Shqipëri. Ky përvjetor na kujton vizionin e guximshëm me të cilin u themelua Dhoma: të shërbejë si një urë midis komunitetit amerikan dhe atij shqiptar dhe të krijojë një mjedis ku kompanitë të konkurrojnë me drejtësi dhe të lulëzojnë. Sot, me mbi 250 kompani anëtare, ajo është bërë një nga zërat më të respektuar të biznesit në Shqipëri, duke avokuar për transparencë, llogaridhënie dhe praktika të ndershme. Siç e thotë edhe Presidenti Trump, është e rëndësishme të mendojmë në mënyrë të madhe frymë që ka ndihmuar në forcimin e partneriteteve mes SHBA-së dhe Shqipërisë dhe në luftën për marrëveshje të drejta, konkurrencë të shëndetshme dhe kundër korrupsionit. Përparimet në sistemin e taksimit dhe politikat energjetike janë vetëm disa shembuj të ndikimit të rëndësishëm të Dhomës. Ambasada Amerikane është krenare të punojë me ju për një ekonomi më transparente, më inovative dhe më të begatë. Faleminderit për përkushtimin tuaj dhe gëzuar 25 vitet e më shumë vitet që do të vijnë.”/ CNA





Lajmet e fundit nga