web counter
LEXO PA REKLAMA!

SHKARKO APP

App Store
Google Play

Vrasja e Santiago Malkos/ Apeli i GJKKO-së lë në fuqi dënimin me 25 vite burg për Blendi Tetën

4 Dhjetor 2025, 15:18, Aktualitet CNA

Vrasja e Santiago Malkos/ Apeli i GJKKO-së lë në fuqi

Gjykata e Posaçme e Apelit ka vendosur sot lënien në fuqi të dënimit me 25 vite burg për Blendi Tetën.

Ai akuzohet për vrasjen e ish-policit Santiago Malko në verën e 2019-ës në Tiranë.

Njoftimi: 

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Tereza Merkaj (kryesuese), Valdete Hoxha (anëtare) dhe Edlira Petri (anëtare), sot më datë 04.12.2025, shpalli vendimin mbi çështjen penale nr. 60 akti, datë 21.07.2025 regjistrimi.

Kjo çështje është regjistruar pas prishjes nga Gjykata e Lartë të vendimit nr. 32, datë 14.06.2022 të Gjykatës së Posaçme të Apelit për Korrupsionin dhe Krimin e Organizuar dhe kthimit për rishqyrtim me një tjetër trup gjykues - disponuar mbi ankimin e paraqitur nga i pandehuri/ankues B.T., ndaj vendimit nr. 05, datë 26.01.2022 të Gjykatës së Posaçme të Shkallës së Parë për Korrupsionin dhe Krimin e Organizuar.

Gjykata e Posaçme e Apelit për Korrupsionin dhe Krimin e Organizuar vendosi:

1. Lënien në fuqi të vendimit nr. 05, datë 26.01.2022, të Gjykatës së Posaçme të Shkallës së Parë për Korrupsionin dhe Krimin e Organizuar.

2. Shpenzimet e gjykimit në apel i ngarkohen të pandehurit.

3. Kundër këtij vendimi mund të bëhet rekurs në Gjykatën e Lartë brenda 45 ditëve, duke filluar ky afat nga e nesërmja e njoftimit të vendimit të arsyetuar.

U shpall në Tiranë, sot më datë 04.12.2025./CNA 

 

 





Lajmet e fundit nga