web counter
LEXO PA REKLAMA!

SHKARKO APP

App Store
Google Play

Pikëpyetjet për pavarësinë e institucionit/ Një kroat e dy ish-zv/ministra socialistë drejtojnë Kolegjin Europian në Tiranë

4 Dhjetor 2025, 18:07, Aktualitet CNA

Pikëpyetjet për pavarësinë e institucionit/ Një kroat e

Gazetarja Alba Kepi ka ngritur sot pikëpyetje lidhur me emrat që drejtojnë degën Kolegjit Europian në Tiranë.

Kepi shprehet se aktualisht Kolegji drejtohët nga një kroat dhe dy ish-zëvendës ministra, duke shprehur dyshimet e saj mbi pavarësinë e përbërjes së grupit drejtues. 

"Sa i pavarur është Kolegji i Evropës në Tiranë, rektorja e të cilit Federica Mogherini është vënë nën akuzë nga Prokuroria Europiane e ajo belge për korrupsion?

Kolegji i Evropës në Tiranë, tashmë në vitin e dytë të tij akademik, drejtohet nga një profesor kroat Igor Vidaçak, dhe pas tij dy ish-Zv/Ministra të qeverisë socialiste shqiptare, Gentian Elezi (2013-2016) dhe Odeta Barbullushi(2015- 2019).

Kjo përbërje ngre pyetje të rëndësishme për pavarësinë politike dhe gjeopolitike të institucionit. 

Igor Vidaçak vjen nga një vend fqinj i rajonit,  ndërsa Gentian Elezi dhe Odeta Barbullushi kanë lidhje të afërta me strukturat e pushtetit të kaluar socialist në Shqipëri.
Askush nuk vë në dyshim eksperiencë akademike të tyre, por kjo përbërje krijon një dilemë: sa mund të konsiderohet i pavarur dhe neutral një institucion që drejtohet nga figura me lidhje politike të forta dhe nga një ekspert rajonal me qëndrime që mund të jenë në konflikt me interesat kombëtare shqiptare?

A mundet ky kombinim akademik të ndihmojë studentët dhe profesionistët e rinj të kuptojnë në mënyrë të pavaruar kompleksitetin e proceseve rajonale europiane?

Nga ana tjetër, përbërja e këtij drejtimi ngre dilema serioze për perceptimin publik dhe institucional të Kolegjit. 

Lidhjet politike të Elezit dhe Barbullushit mund të perceptohen si një faktor politik brenda një institucioni akademik. 
Këto elemente mund të dobësojnë besueshmërinë e Kolegjit në formimin e elitave shqiptare në diplomaci, integrim europian dhe politikë publike.

Pavarësia dhe legjitimiteti i Kolegjit nuk varen thjesht nga kualifikimet akademike të drejtorëve, por nga transparenca, menaxhimi i perceptimeve politike dhe siguria që institucionet akademike nuk përcillen nga interesa të jashtme ose të kaluara politike. Vetëm përmes kësaj qasje, Kolegji mund të pranohet si një platformë reale për formimin e elitave shqiptare të pavarura dhe të afta për të vepruar në politikë dhe integrim europian.
E mbi çka ka ndodhur është momenti qe trasparenca të jetë një detyrim politik qe duhet të kërkohet në Parlamentin shqiptar",-shprehet Kepi./CNA 

Pikëpyetjet për pavarësinë e institucionit/ Një kroat ePikëpyetjet për pavarësinë e institucionit/ Një kroat ePikëpyetjet për pavarësinë e institucionit/ Një kroat e





Lajmet e fundit nga