web counter
LEXO PA REKLAMA!

SHKARKO APP

App Store
Google Play

E fundit!

x

Ura në rrezik shembjeje/ Banorët e Bleran-Bardhajt në protestë

5 Dhjetor 2025, 14:46, Aktualitet CNA


Ura që lidh zonën e Bleran-Bardhajt në Bashkinë Shkodër është kthyer në një shqetësim të madh për banorët, pasi prej dy javësh ka pësuar dëmtime serioze që rrezikojnë shembjen e saj.

Për pasojë, lëvizja e mjeteve, veçanërisht e furgonëve që transportojnë nxënësit, është ndaluar për arsye sigurie. Më shumë se 150 fëmijë detyrohen të ecin disa minuta në këmbë çdo mëngjes për të mbërritur deri tek ura, ku i pret mjeti që i dërgon në shkollë.

"Ka 2 javë e prishur e nuk i bie askujt në mend. Po rrëzohet e po bien brenda, po mbetet dikush në të. Besoj bashkia i ka aq mundësi sa për ta rregulluar. Rrena prej 30 vitesh si për rrugën edhe për urën".

"Jemi 150 familje, secila shtëpi i ka 2-3 fëmijë. Kemi 35 vite që askush nuk interesohet për ne, jemi si njerëz të harruar. Fëmijët i mbajmë në krahë 5 km për t'i çuar te furgoni për në shkollë. Për vota vijnë në sekonda, për urën nuk u bie në mend".

"Ka 2 javë që askush nuk vjen. As furgoni, janë 150 fëmijë që i nxjerrim në këmbë. Kërkojmë nga bashkia riparim. E po u sëmur ndokush si t'ia bëjmë?"

"Ka 25 vjet që nuk na ka ardhur kush për këtë punë. Problemi kryesor është ura që na ka izoluar prej 2 javësh. Janë mbi 150 fëmijë që shkojnë në shkollë e në kopsht. Është rrugë kryesore sepse na lidh 3 fshatra."

Pavarësisht ankesave dhe shqetësimeve të përsëritura, deri tani nuk është marrë asnjë masë nga pushteti lokal, gjë që ka shtyrë banorët të protestojnë dhe të kërkojnë zgjidhje të menjëhershme.





Lajmet e fundit nga