web counter
LEXO PA REKLAMA!

SHKARKO APP

App Store
Google Play

Një nga destinacionet më të frekuentuara/ Turistët të magjepsur me atmosferën e festave në Korçë

6 Dhjetor 2025, 20:25, Aktualitet CNA

Pas ndezjes së dritave, Korça është shndërruar në një nga destinacionet më të frekuentuara të fundvitit, duke magjepsur turistë nga e gjithë Shqipëria.

Atmosfera festive, dekorimet shumëngjyrëshe dhe gjallëria e qytetit kanë bërë që vizitorët të mbeten të mrekulluar nga përjetimi i një nate plot emocion. Një turiste nga Vlora tregon se Korça i ka pritur me një magji të veçantë.

"Vijmë nga qyteti i bukur i Vlorës. Atmosferë fantastike, jemi mrekulluar, na ka pëlqyer shumë atmosfera. Kemi lëvizur jo vetëm këtu në qendër, por edhe tek pazari që e shijuam këtë pjesë. Pamë ndezjen e dritave dhe jemi shumë të lumtur që jemi sot këtu. Kemi ardhur si grup shoqëror nga Vlora", u shpreh ajo.

Ndërsa një tjetër zonjë nga Korça e rikthen nostalgjinë në vendlindje, ndonëse ka vite që jeton larg qytetit të saj.

"Fantastike Korça. Erdhëm, ndaluam tek hoteli, dolëm tek pazari i vjetër, numëruam deri sa të ndizeshin dritat. Jam rritur në Korçë, kam vite që kam ikur por më pëlqeu shumë. Jemi një grup shoqëror që bëjmë hiking dhe erdhëm të gjithë në Korçë", tha qytetarja.

Qyteti juglindor po përjeton një bum vizitorësh, të cilët nuk tërhiqen vetëm nga ndezja e bredhit, por edhe nga atmosfera e ngrohtë, muzika, gastronomia dhe tradita që e bëjnë Korçën një nga qendrat më të dashura të festave në vend. /CNA





Lajmet e fundit nga