web counter
LEXO PA REKLAMA!

SHKARKO APP

App Store
Google Play

E fundit!

x

Policia, bashkëpunëtore e krimit/ Kush ishin punonjësit që ndihmuan në kultivimin e drogës

6 Dhjetor 2025, 13:17, Aktualitet CNA

Policia, bashkëpunëtore e krimit/ Kush ishin punonjësit që

SPAK-u ka përfunduar hetimet dhe ka dërguar në gjyq 27 persona pjesë e grupeve të ndryshme të strukturuara kriminale, mes tyre Arben Ndokën, Arian Tukun, Ervis Martinajn, Durim Bamin etj.

Nga hetimet e SPAK-ut rezulton se ka edhe punonjës të Policisë së Shtetit të lidhur me eksponentë kriminalë.

Rastet janë si më poshtë:

I pandehuri Durim Bami ka organizuar, drejtuar dhe financuar një grup të strukturuar kriminal, të destinuar në kultivimin e bimëve narkotike kanabis sativa, në fshatin Nikël, Fushë-Krujë, gjatë periudhës kohore dhjetor 2019-korrik 2020, si dhe në zonën e Njësisë Administrative Bubq të Bashkisë Krujë, si para ashtu dhe gjatë muajit shtator 2020, duke u kujdesur për mbarëvajtjen e këtij aktiviteti. Ai ndihmohej në veprimet e tij të kundërligjshme nga punonjës të policisë së shtetit, si i pandehuri Altin Morina dhe shtetas të tjerë ende të paidentifikuar, të cilët jepnin informacione apo ndihmonin në shmangien e kontrolleve të parcelave të mbjella me bimë narkotike.

Më 3.4.2025, të pandehurit, Altin Morina, i shpallur person në kërkim, në automjetin e tij iu gjetën dhe sekuestruan nga punonjësit e policisë së Komisariatit të Policisë Nr.2, Tiranë, një armë zjarri pistoletë model BERRETA PX4, kalibër 9x21mm, prodhim italian, me numër “PJ07009”. Arma, e cila mbahej pa leje, ishte e rregullt teknikisht dhe e përshtatshme për qitje, me një fishek në folenë e fishekut, si dhe 9 (nëntë) fishekë të tjerë në krehrin e saj.

Në zonën e Qarkut të Lezhës, gjatë muajve qershor-shtator 2020 ka ushtruar veprimtari të kundërligjshme në fushën e kultivimit të bimëve narkotike kanabis sativa, një grup i strukturuar kriminal, i drejtuar nga Elson Reçi dhe në përbërje të të cilit kanë qenë shtetas të ndryshëm, të cilët ushtronin aktivitetin e kundërligjshëm. Elsoni kujdesej për funksionimin e aktivitetit të kundërligjshëm, ndërkohë që edhe kultivonte bimën narkotike. Për të ushtruar këtë aktivitet të kundërligjshëm, i pandehuri është ndihmuar nga Klodian Shahini, punonjës policie me detyrë, shef i Sektorit të Luftës Kundër Narkotikëve në Drejtorinë e Policisë Lezhë, i cili e furnizonte drejtuesin e grupit të strukturuar kriminal me informacione të ndryshme policore, duke luajtur rol në shmangien e kontrolleve policore në zonat ku kultivohej bima narkotike.

Gjithashtu, provohet se në zonën e Qarkut të Lezhës, si dhe në zonën e Krujës gjatë muajve maj-shtator 2020, ka ushtruar veprimtari të kundërligjshme në kultivimin e kanabis sativës një grup i strukturuar kriminal, i drejtuar nga një shtetas i paidentifikuar. Në këtë veprimtari janë përfshirë shtetasit:

Klodian Shahini, punonjës policie me detyrë Shef i Sektorit të Luftës Kundër Narkotikëve në Drejtorinë e Policisë Lezhë

Henerigert Mitri me detyrë drejtor i Drejtorisë Vendore të Policisë Lezhë

Ata, duke përdorur detyrën kanë favorizuar kultivimin e kanabisit dhe i kanë dhënë informacione të brendshme policore drejtuesit të grupit si dhe kanë ndihmuar në shmangien e kontrolleve policiore në parcelat ku kultivohej lënda narkotike.

I përfshirë në këtë aktivitet të kundërligjshëm në rolin e bashkëpunëtorit ka qenë edhe i pandehuri Elton Zalla. Në banesën e këtij të fundit, më 20.9.2020 u gjetën 202 kg lëndë narkotike kanabis sativa, në proces tharjeje, përpunimi dhe ambalazhimi.

Me cilësinë e drejtorit Policisë në Drejtorinë Vendore të Policisë Lezhë, gjatë periudhës kohore janar-shtator 2020, Henerigert Mitri duke komunikuar me përdorues të ndryshëm të aplikacionit ScyECC, me dashje, nuk ka ushtruar detyrat e tij funksionale duke lejuar ushtrimin e lojërave të fatit në kundërshtim me ligjin.

Trafikimi i lëndëve narkotike

Të pandehurit Arian Tuku, Kasandër Noga dhe Edson Jozëik (alias Edson Pjetri, alias Edmir Pjetri) gjatë muajve qershor-nëntor të vitit 2020, kanë organizuar, drejtuar dhe financuar një grup të strukturuar kriminal, të destinuar për trafikimin e bimës narkotike kanabis sativa, për në vendet e Bashkimit Europian, në bashkëpunim me të pandehurin Oltion Zefi dhe shtetas të tjerë të paidentifikuar. Më 3.11.2020, një sasi prej rreth 160 kilogramë kanabis sativa e trafikuar nga Shqipëria, u sekuestrua në Malin e Zi./ CNA





Lajmet e fundit nga