web counter
LEXO PA REKLAMA!

SHKARKO APP

App Store
Google Play

Korça ndez dritat e fundvitit/ Filo: Më 6 dhjetor, hapet zyrtarisht sezoni i festave

5 Dhjetor 2025, 21:59, Aktualitet CNA

Korça ndez dritat e fundvitit/ Filo: Më 6 dhjetor, hapet zyrtarisht

Qyteti i Korçës hap zyrtarisht të shtunën sezonin e festave të fundvitit.

Përmes një postimi në rrjetet sociale, Kryetar i Bashkisë Korçë, Sotiraq Filo njofton se nesër në orën 18:00 në Zonën Këmbësore do të nisë atmosfera festive, që do të sjellë muzikë, ngjyra dhe gëzim në qytet.

Më pas, sipas agjendës, qytetarët do të shijojnë disa minuta nën shoqërinë e Orkestrës Frymore të FA-së dhe në orën 18:30 do vijojë atmosfera festive në zonën e Pazarit të Vjetër me performanca muzikore live  

“Korça ndez Dritat e Festave!

Më 6 Dhjetor, në ora 18:00, në Zonën Këmbësore, qyteti ynë do të hapë zyrtarisht sezonin e festave me një atmosferë të veçantë, plot muzikë, ngjyra dhe gëzim.

Në këtë mbrëmje magjike do të na shoqërojë Orkestra Frymore e Forcave të Armatosura, duke sjellë muzikë festive për të gjithë banorët dhe vizitorët që do të jenë nesër në Korçë.

Ndërsa në ora 18:30, në Pazarin e Vjetër, atmosfera vazhdon me performancën e Gerta Mahmutajt.

Një natë e paharrueshme për t’u festuar së bashku me korçarët dhe qindra vizitorë nga çdo cep i Shqipërisë.

Ora 18:00 – Zona Këmbësore

Ora 18:30 – Pazari i Vjetër

Le ta ndezim së bashku magjinë e festave në zemër të Korçës!”,-shkruan Filo./CNA

 

 





Lajmet e fundit nga