web counter
LEXO PA REKLAMA!

SHKARKO APP

App Store
Google Play

E fundit!

x

Devolli hap zyrtarisht sezonin e festave/ Ndizen dritat e bredhit të Vitit të Ri

6 Dhjetor 2025, 20:39, Aktualitet CNA

Devolli hap zyrtarisht sezonin e festave/ Ndizen dritat e bredhit të Vitit

Mbrëmja e 6 dhjetorit solli në pedonalen e qytetit të Bilishtit dhjetëra qytetarë, familje dhe fëmijë, të cilët u bashkuan për ceremoninë tradicionale të ndezjes së dritave të bredhit të Vitit të Ri.

Muzika festive, zërat e fëmijëve dhe tingujt e këngëve të sezonit krijuan një tablo të gjallë dhe të ngrohtë, që shënoi nisjen e periudhës më të dashur të vitit.

Dekorimet shumëngjyrëshe, instalacionet ndriçuese dhe bredhi i vendosur në qendër të pedonales, ishin pika kryesore e tërheqjes për të pranishmit, sidomos për fëmijët, të cilët e shikonin me admirim çastin e ndezjes.

Në fjalën e tij përshëndetëse, kryetari i Bashkisë Devoll, Eduard Duro, nënvizoi rëndësinë që ka kjo ditë për komunitetin.

“Si çdo 6 dhjetor, ne mblidhemi për të bërë ndezjen e dritave të bredhit të Vitit të Ri. Kjo është një datë që simbolizon fillimin e një sezoni festash, të cilat shpresojmë dhe dëshirojmë të jenë të bardha e të gëzuara për gjithë fëmijët, për vëllezërit e motrat tuaja, për prindërit dhe gjyshet e gjyshërit", u shpreh Duro.

Atmosfera festive u plotësua edhe nga performancat e fëmijëve, lojërat e organizuara për ta dhe ndalesat fotografike pranë dekorimeve. Me ndezjen e dritave, Devolli hap kështu zyrtarisht sezonin e festave, duke sjellë dritë, ngrohtësi dhe shpresë në prag të Vitit të Ri. /CNA





Lajmet e fundit nga