web counter
LEXO PA REKLAMA!

SHKARKO APP

App Store
Google Play

E fundit!

x

Lezha, në alarm nga moti i keq/ Rrezik përmbytjesh në Zadrimë, Bregun e Matës dhe Fushë-Kuqe

17 Nëntor 2025, 14:59, Aktualitet CNA

Lezha, në alarm nga moti i keq/ Rrezik përmbytjesh në

Moti i keq me reshje të dendura shiu dhe erë të fortë, duke nisur nga mesnata e së hënës pritet që të përfshijë edhe Qarkun e Lezhës.

Strukturat e Mbrojtjes Civile në të tria bashkitë e këtij qarku janë vënë në gatishmëri të plotë, duke monitoruar veçanërisht funksionimin e hidrovoreve, si dhe furnizimin me energji elektrike të popullatës, ndërsa ekipet në terren janë gati të ndërhyjnë në rast nevoje.

“Jemi njoftuar që territori i qarkut tonë do të përfshihet nga reshje të dendura shiu me erë të fortë. Për shkak të rrjetit të amortizuar, pritet të kemi jo pak probleme me furnizimin me energji elektrike. Problemin më të madh mund ta japë tek linjat e hidrovorit edhe pse disa prej tyre i kemi me dy linja furnizimi. Të 7 hidrovorët e qarkut tonë janë në gatishmëri të plotë. Kemi folur me AKMC dhe çdo strukturë është në gadishmëri në rast të çdo situate”, tha Nikoll Tushi, përgjegjës i Mbrojtjes Civile, Prefektura Lezhë. 

Zonat më të rrezikuara nga përmbytjet mbeten Zadrima dhe Bregu i Matës në Bashkinë Lezhë, si dhe Fushë-Kuqja në Bashkinë Kurbin.

Autoritetet u bëjnë apel qytetarëve të tregojnë kujdes dhe të ndjekin njoftimet zyrtare për situatën që mund të krijohet në vazhdim për shkak të motit të keq./CNA

 





Lajmet e fundit nga