web counter
LEXO PA REKLAMA!

SHKARKO APP

App Store
Google Play

Situata me reshjet e shiut/ Agjencia Kombëtare e Mbrojtjes Civile jep përditësime

17 Nëntor 2025, 09:58, Aktualitet CNA

Situata me reshjet e shiut/ Agjencia Kombëtare e Mbrojtjes Civile jep

Agjencia Kombëtare e Mbrojtjes Civile ka dhënë një përditësim lidhur me situatën e reshjeve në vend.

Në njoftimin e mëposhtëm thuhet se reshjet e shiut sot do të jenë më intensive në qarqet Shkodër, Lezhë dhe Vlorë. Ndërkohë intensiteti i reshjeve pritet të jetë më i dobët në qarqet Kukës, Dibër, Durrës, Tiranë dhe Gjirokastër.

Ditën e nesërmë, në të gjithë vendin intensiteti i reshjeve të rritet, ndërsa do të shoqërohen edhe me shtrëngata.

Njoftimi i plotë:

Sipas informacionit të përditësuar nga Instituti i Gjeoshkencave (IGJEO) dhe Shërbimi Meteorologjik Ushtarak (SHMU), ditën e hënë, 17 nëntor 2025, priten reshje mesatare deri lokalisht intensive në qarqet Shkodër, Lezhë dhe Vlorë.

Në qarqet Kukës, Dibër, Durrës, Tiranë dhe Gjirokastër reshjet do të jenë të dobëta deri mesatare, të shoqëruara me shtrëngata.

Në qarqet e tjera parashikohen reshje të dobëta. Intensiteti pritet të rritet në orët e pasdites.

Ditën e martë, 18 nëntor 2025, parashikohen reshje të shtuara në të gjithë territorin e vendit:

• Qarqet Shkodër, Kukës, Vlorë dhe Gjirokastër do të përfshihen nga reshje intensive deri lokalisht shumë intensive.

• Në Lezhë priten reshje intensive.

• Në qarqet Dibër, Durrës dhe Tiranë reshjet do të jenë mesatare deri lokalisht intensive.

• Në qarqet e tjerë priten reshje të dobëta deri mesatare.

Reshjet do të shoqërohen me shtrëngata në të gjithë vendin.

Agjencia Kombëtare e Mbrojtjes Civile është e angazhuar në monitorimin, koordinimin e masave parandaluese dhe reagimin në kohë në rast të përshkallëzimit të situatës. /CNA

Situata me reshjet e shiut/ Agjencia Kombëtare e Mbrojtjes Civile jepSituata me reshjet e shiut/ Agjencia Kombëtare e Mbrojtjes Civile jep





Lajmet e fundit nga