web counter
LEXO PA REKLAMA!

SHKARKO APP

App Store
Google Play

E fundit!

x

"Vizionet që i dhanë drejtim kombit”/ Fjalimi i Luigj Gurakuqit në mbledhjen e parë të Kuvendit të vitit 1924

16 Nëntor 2025, 11:21, Aktualitet CNA

"Vizionet që i dhanë drejtim kombit”/ Fjalimi i Luigj

Kryetari i Kuvendit Niko Peleshi këtë të diel ka sjellë një nga fjalimet më të rëndësishme të parlamentarizmit shqiptar që prej krijimit të tij.

Përmes Inteligjencës Artificiale ai ka sjellë fjalimin e Luigj Gurakuqit në mbledhjen e parë të Kuvendit të datës 21 janar të vitit 1924.

Peleshi ka ndarë fjalimin e një prej personaliteteve më të shquara të lëvizjes kombëtare, arsimore e kulturore, Luigj Gurakuqit, i cili përmes atij fjalimi përcolli vizionin e tij për shtetin që po lindte.

“Fjalët që formësuan shtetin, vizionet që i dhanë drejtim kombit!

Sot nisim një cikël të veçantë, duke sjellë fjalimet më të rëndësishme të parlamentarizmit shqiptar që prej krijimit të tij.

Përmes mundësive që na jep Inteligjenca Artificiale, e nisim me Mbledhjen e parë të datës 21 janar 1924, me një prej mendjeve më të ndritura të kombit, Luigj Gurakuqin, i cili përcolli vizionin e tij për shtetin që po lindte.

Fjalët e tij nuk janë vetëm histori janë busull për të sotmen dhe për të ardhmen. Janë kujtesë se Shqipëria ndërtohet me punë, me përgjegjësi dhe me unitet”, shkruan Peleshi.

Fjalimi i Luigj Gurakuqit në mbledhjen e parë të Kuvendit në 21 Janar të vitit 1924.

Mbledhja e sotme ka një qëllim ndryshe, jo historik kaq të madh, por për jetën qytetare të kombit shqiptar ka një vlerë edhe më të madhe.

Populli shqiptar, këto tre muajt e fundit bëri zgjedhjet me qetësi. Tregoi se ka një opinion publik dhe tha: "Themelet që janë vënë shtetit tonë, ato mendime që janë bërë, duhet të kenë siguri, duhet të forcohen, duhet t'i japim këtij shteti drejtimin e duhur, t'i japim formën e tij."

Ky është qëllimi i mbledhjes së Kuvendit Kushtetues që sot për herë të parë hap dyert e veta, ku janë mbledhur përfaqësuesit e kombit shqiptar.

Detyrë e madhe është, zotërinj të nderuar, kjo që kemi marrë përsipër: të formojmë themelet e shtetit tonë e t'i japim drejtimin e duhur popullit tonë. Kjo me të vërtetë është një detyrë e shenjtë, dhe një detyrë e rëndë, sepse duhet të marrim parasysh gjithë jetën e kombit tonë, që të dimë ta rregullojmë për të ardhmen e tij. Që të mund t'i sigurojmë një jetë të ndritur, përparimin e qytetërimin.

Të gjejmë rrugën e mesme, që të mos shkojë dikush para e dikush mbrapa, por të veprojmë të bashkuar, duke marrë parasysh zakonet e të gjitha fiseve të Shqipërisë, duke marrë parasysh nevojat e të gjitha krahinave, që të ecim në një udhë që të na bashkojë, që të na udhëheqë të gjithëve në një ligj të përbashkët, duke siguruar jo vetëm mbijetesën e popullit tonë, por edhe përparimin dhe qytetërimin e tij./ CNA





Lajmet e fundit nga