web counter
LEXO PA REKLAMA!

SHKARKO APP

App Store
Google Play

“’Godas’ çdo fenomen negativ”/ Pena e mprehtë e Bujar Kapexhiut

15 Nëntor 2025, 19:57, Aktualitet CNA

Ai njihet për penën e tij të mprehtë, një satirë që godet me finesë e mençuri realitetin e përditshëm.

Bëhet fjalë për Mjeshtrin e madh, Bujar Kapexhiu, i cili vjen në edicionin e 28-të të Panairit të Librit me dy libra: “Seferi Tironës”, një përmbledhje satirash, “Poezi, humor dhe satirë”.

Në një intervistë për CNA, Kapexhiu tregon se ku qëndron sekreti i suksesit të tij.

“Në përgjithësi “godas” të gjitha fenomenet që janë negative, prapanike, që nuk i takojnë një shoqërie që është në prosperitet, një shoqërie moderne, një shoqërie evropiane. Të gjitha këto fenomene që hyjnë në karakterin e njerëzve, në organizimin e insitucionit, në problemet qeveritare. Në të gjitha këto, individi, familja, shoqëria, të gjitha fenomenet negative.

Krijoj humor me ta, krijoj satirë, për t’ju treguar njerëzve që këto fenomene nuk duhet të ndodhin.  Këto sjellje në shoqërinë tonë nuk duhet të jenë në vazhdimësi, por duhet t’i zhdukim, aq sa mundemi, aq më tepër që jemi drejt Europës. Humori ka për qëllim të tallesh, jo të shash, por të stigmatizosh, gjithmonë pa fyerje, pa denigrime, gjithmonë në sensin e bukur të humorit dhe satirës”, thotë Kapexhiu.

E duke qenë se modestia është karakteristikë e njerëzve të mëdhenj, Kapexhiu pranon se edhe ka gabuar në humorin e tij.

“Nëse krijuesi është me një moral të mirë, nëse nuk është sherrxhi, nëse nuk është inatçi, nëse nuk do të marrë hak dhe nuk do të krijojë sharje, dashje pa dashje, duke ruajtur etikën, ai gjithmonë e godet personazhin, problemin, fenomenin, faktin, ose batutën, por natyrisht me etiketë dhe sens të bukur humori. Sigurisht që jam munduar të jem brenda etikës, por nuk do të thotë që edhe pena ime ndonjëherë edhe nuk ka shkarë. Megjithatë e kam rregulluar herë të tjera dhe me atë guximin qytetar, kam kërkuar edhe ndjesë“, rrëfeu ai.

Por pse humori është i garantuar të jetë i suksesshëm?

“Ka shumë interes, sepse kudo në botë, pëlqehet satira dhe humori, në të gjitha zhanret, filmi, teatri, estrada, aq më tepër dhe tek shkrimet humoristike. Aq më tepër që këtu ka shumë pak që bëjnë humor dhe satirë. Edhe lexuesit janë të prirur ndaj humorit dhe satirës. Me humorin njerëzit argëtohen. Ka një thënie, “humori është privilegj i të mençurve”, por jo vetëm ata që e krijojnë, por e dhe ata që e konsumojnë, duhet të jenë në nivelin që ta kuptojnë, të qeshin, dmth të jenë të mençur”, u shpreh Kapexhiu

Në fund, Bujar Kapexhiu ka edhe një thirrje për qytetarët.

“Njerëzit kanë dëshirë të lexojnë, ata që e duan librin ndodhen kudo nëpër korridoret e këtij panairi, ne i ftojmë të vijnë sa më shumë. Ata që na shohin, nëse nuk kanë ardhur në panair, ose përtojnë të hyjne në librari, unë iu them: mundohuni, hyni në një librari, siç hyni në një restorant, supermarket, se do gjeni ushqimin më të mirë të mendjes suaj”, tha ai. /CNA





16:46 Aktualitet

Connect Albania Forum

Shqipëria po hyn në një kapitull të ri të transformimit di...

Lajmet e fundit nga