Marrëveshjet me Italinë/ Vengu: Do përdorim Inteligjencën Artificiale për menaxhimin e emergjencave

15 Nëntor 2025, 21:50, Aktualitet CNA

Marrëveshjet me Italinë/ Vengu: Do përdorim Inteligjencën

Ministri i Mbrotjes, Pirro Vengu ka ndarë mbrëmjen e sotme detaje lidhur me marrëveshjet e nënshkruara me qeverinë italiane dy ditë më parë në Romë, disa prej tyre të lidhura me fushën e mbrojtjes, industrisë ushtarake dhe mbrojtjes civile.

I ftuar në Euronews, Vengu tha se kompania “KAYO” dhe “Fincantieri” italian do të themelojnë një kompani të përbashkët për të prodhura mjete detare jo vetëm për Shqipërinë, por edhe për vendet e treta.

Ministri tha foli gjithashtu edhe për përfshirjen e Inteligjencës Artificiale në sistemet e Forcave të Armatosura, ku tha se qëllimi i përdorimit të teknologjisë italiane është që të ndihmojë jo vëtëm në reagimin por edhe parandalimin e parashikimin e emergjencave.

“Kompania “KAYO” dhe “Fincantieri” italian do të themelojnë një kompani të përbashkët. Të dyja shtetet do të jenë aksionerë. Kjo kompani nuk do të prodhojë vetëm mjete detare për ne. Ne synojmë të kemi një prodhim edhe për vende të treta. Dhe arritja e madhe e kësaj negociate ishte prodhimi për vende të treta fillimisht. Në këtë kantier Shqipëria do të ketë mundësi të mirëmbajë flotën e saj. Punësimi që ofrohet do të jetë cilësor dhe i gjithëanshëm.

Forcat e Armatosura kanë filluar ta përdorin Inteligjencën Artificiale në një pjesë të mirë të sistemeve ku në veprojmë. Risia e marrëveshjesjës me Italinë është më shumë në fushën e mbrotjes civile, ku synojmë që me kompani lider në fushën e mbrojtjes kibernetik, alertimit dhe menaxhimit të emergjencave civile. Pas një realizimi të suksseshëm të këtij sistemi në Itali mund të përfitojmë dhe ta zbatojmë edhe në vendin tonë.

Ishte një marrëveshje shumë e rëndësishme ajo e mbrotjes civile sepse na jep mundësi të financohet nga Italia ky projekt që të kemi një sistem të kontrollit të territorit, ku ndërveprojnë edhe sistemet satelitore dhe te alertimit të bashkibve dhe popullatës, në raste emergjente. Jemi duke futur teknologjinë në menaxhimin e emergjencave. Ky është qëllimi i përdorimit të Inteligjencës Artificiale dhe teknologjisë italiane në sistemet tona. Mos të jemi vetëm forca reaguese por edhe parandaluese, parashikuese“, tha Vengu. /CNA