web counter
LEXO PA REKLAMA!

SHKARKO APP

E fundit!

x

"Deri sot 3600 thirrje telefonike"/ Drejtori i Burgjeve flet për komunikimet e Metës në qeli

17 Nëntor 2025, 12:09, Aktualitet CNA


Drejtori i Përgjithshëm i Burgjeve, Klevis Qosja, gjatë fjalës së tij në Komisionin për Çështjet e Brendshme dhe të Mbrojtjes, ka deklaruar se kreut të PL-së, Ilir Meta, nuk i është ndaluar asnjë takim apo bisedë telefonike.

Qosja tha se Meta, që nga dita e arrestimit dhe deri më sot ka kryer 3600 komunikime telefonike. Ai përmend më tej një incident ku tha se është vendosur masë disiplinore pasi Meta u lidh 'live' me një studio televizive.

"Masa e sigurisë arrest me burg, kuptohet që ka disa kufizime nga jeta jashtë. Nuk i është ndaluar asnjë takim zotit Meta. Nuk i është ndaluar asnjë komunikim telefonik. Deri sot 3600 komunikime telefonike. Ka pasur një incident lidhur me një komunikim që është shfaqur në një studio, për atë është vendosur një masë disiplinore. Jo çdokush që ka masë sigurie mund të dalë në një media dhe të flasë çfarë do. Zoti Meta është trajtuar me dinjitet sipas ligjeve", tha Qosja. /CNA





Lajmet e fundit nga