web counter
LEXO PA REKLAMA!

SHKARKO APP

App Store
Google Play

Sot gjyqi në GJKKO/ A do të shmanget sërish Erion Veliaj?

17 Nëntor 2025, 10:35, Aktualitet CNA

Sot gjyqi në GJKKO/ A do të shmanget sërish Erion Veliaj?

Ditën e sotme, siç e raportuam dhe më herët do të mbahet në GJKKO seanca paraprake për kryebashkiakun e arrestuar Erion Veliaj.

Ajo që pritet të shihet ditën e sotme është nëse Veliaj do të marrë pjesë apo do të përpiqet të shmanget për të mos u zhvilluar seanca paraprake.

Ndërkohë që SPAK-u ka 4 muaj që e ka dërguar për gjykim dosjen e Veliajt. Ndaj tij Prokuroria e Posaçme ka ngritur 13 akuza për 5 vepra të rënda penale.

Nëse Erion Veliaj dhe avokatët e tij do të kishin vullnetin dhe do të përballeshin me ligjin ndoshta tani çështja mund të kishte përfunduar.

Erion Veliaj mbase do të ishte në zyrë dhe do të ushtronte detyrën normalisht ose do të ishte duke vuajtur dënimin në varësi të vendimit që do të merrte Gjykata e Posaçme.

Kujtojmë se fillimisht seanca paraprake për Veliajn u caktua të mbahej gati 1 muaj më parë, në 28 tetor. Por për shkak të strategjive të përdorura nga Veliaj dhe justifikimeve të shpikura nga ushtarët e tij, seanca paraprake vetëm është shtyrë.

Kujtojmë që Erion Veliaj u arrestua që prej 10 shkurtit 2025. Që prej arrestimit të tij të gjitha shkallët e gjykatave kanë vendosur që Veliaj të qëndrojë në qeli./CNA





Lajmet e fundit nga