web counter
LEXO PA REKLAMA!

SHKARKO APP

App Store
Google Play

E fundit!

x

Projektbuxheti 2026/ Drejtori i Burgjeve: Projekt për zhvillimin e seancave me videocall

17 Nëntor 2025, 11:56, Aktualitet CNA

Projektbuxheti 2026/ Drejtori i Burgjeve: Projekt për zhvillimin e seancave

Drejtori i Burgjeve, Klevis Qose, ka raportuar ditën e sotme në Komisionin e Çështjeve të Brendshme për projektbuxhetin e vitit 2026.

Qose tha se me anë të një platforme të re do të bëhet i mundur zhvillimi i seancave gjyqësore online.

Drejtori i Burgjeve tha se kjo gjë ka ndodhur dhe në kohën e pandemisë nëpërmjet platformës SKY, por me sistemin e ri do të jenë të pajisur me IP.

Në këtë projekt, deklaroi Qose, do të përfshihet dhe digjitalizimi i arkivave, protokolleve apo dhe matja e performancës.  

 

“Sistemet që do të financohen do të kontrollohen nga një platformë. Gjatë pandemisë dhe tërmetit u vu re se kjo platformë ishte shumë e nevojshme. Dhe seancat gjyqësore gjatë pandemisë i zhvilluam në platformën Sky. Në sistemin e ri do të jenë të pajisur me IP. Projekti do të fillojë me pajisjen për realizimin e videocall, do të përfshijë edhe digjitalizimin e arkivave, protokolleve, matjen e performancës.

Jemi në proces akreditimi që të rrisim në një nivel tjetër trajnimet. Jemi në proces ndërtimi për godinën e re të trajnimeve”, tha Qose./CNA





Lajmet e fundit nga