web counter
LEXO PA REKLAMA!

SHKARKO APP

App Store
Google Play

Atentati në Rinas/ Kreu i AMP-së: Kemi bërë kallëzim në Prokurori për rekrutimin e Muçi Shaljanit

17 Nëntor 2025, 13:13, Aktualitet CNA

Atentati në Rinas/ Kreu i AMP-së: Kemi bërë kallëzim

Drejtori i Përgjithshëm i AMP-së, Eduart Merkaj, ka folur në Komisionin për Çështjet e Brendshme dhe të Mbrojtjes, lidhur me atentatin e ndodhur në Rinas dhe rekrutimin e Muçi Shaljanit në radhët e AMP-së.

Merkaj njoftoi se është bërë kallëzim në Prokurorinë e Tiranës për të gjithë zinxhirin e punonjësve të AMP-së që kanë pasur si përgjegjësi të merren me rekrutimin apo deri në emërimin e ish-punonjësit të agjencisë.

Ndërkohë, ai bëri po ashtu me dije se për vrasjen në Rinas ka pasur një rast përjashtimi nga  Drejtoria e Forcës së Posaçme Operacionale dhe vërejtje të tjera administrative.

"Lidhur me pyetjen, pse ishte përgjigje e vakët. Ishte situatë sensitive dhe shumë e rëndë. Dua t’ju vë në dijeni se nga AMP janë bërë disa prononcime publike jo vetëm një ku janë paraqitur shumë qartë masat e marra nga insititucioni që unë drejtoj për të gjithë punonjësit brenda insititucionit. Është bërë dhe prononcimi i dytë, ku AMP ka bërë kallëzim në Prokurori për të gjithë zinxhirin e punonjësve që është marrë me procesin e rekrutimit për ato elementë që kemi parë se është shkelur ligji. Unë kam marrë masa duke pezulluar zinxhirin komandues të Operacionales, të cilat jo më larg se sot janë marrë masat e hetimit disiplinor, ku është konstatuar për një përjashtim nga AMP dhe vërejtje të tjera administrative", tha Merkaj.

Kujtojmë që Muçi Shaljani, ndërroi jetë dy ditë më parë në spitalin e Traumës, pasi mbeti i plagosur në atentatin e 11 nëntorit, ku mori 10 plumba, 2 prej të cilëve në kokë. Shaljani ishte në një automjet me Gilmando Danin, i cili u ekzekutua në rrethrrotullimin e Rinasit. /CNA





Lajmet e fundit nga