web counter
LEXO PA REKLAMA!

SHKARKO APP

App Store
Google Play

Dita Botërore e Lindjeve të Parakohshme/ Aktivitet sensibilizues në Kuvendin e Shqipërisë

17 Nëntor 2025, 12:36, Aktualitet CNA

Dita Botërore e Lindjeve të Parakohshme/ Aktivitet sensibilizues

Data 17 nëntor shënon Ditën Botërore të Prematuritetit ose të lindjeve të parakohshme. Kjo ditë ka synim të rrisë ndërgjegjësimin për lindjet e parakohshme që përfshijnë: fatalitetet e lidhura me prematuritetin, si dhe mënyrat për t’i parandaluar ato.

Me këtë rast, këtë të hënë, në Kuvendin e Shqipërisë është mbajtur një aktivitet sensibilizues, për të ndarë mesazhe, teksa të pranishëm ishin prindër që kanë përjetuar një përvojë të tillë me lindjen e fëmijëve të tyre.

Edhe Ministria e Shëndetësisë ka ndarë një mesazh të rastit. Përmes një videoje të postuar, ministria ka sjellë në vëmendje foshnjat premature dhe stadet e tyre të para drejt jetës.

"Përmes kësaj videoje të veçantë të Spitalit Universitar Obstetrik Gjinekologjik 'Mbretëresha Geraldinë' sjellim në vëmendje foshnjat prematurë dhe rrugëtimin e tyre drejt jetës. Mbështesim prindërit, të cilët përballen me emocione të forta dhe sfida të vazhdueshme. Falënderojmë ekipin tonë mjekësor, për kujdesin profesional, human dhe të pandalshëm. Bëjmë thirrje për ndërgjegjësim, edukim dhe mbështetje të vazhdueshme për çdo prematurë”,-shkruhet në faqen zyrtare të Ministrisë së Shëndetësisë.

Një nënë, e cila ka përjetuar një situatë të tillë thotë se fillimisht ka qenë shumë e vështirë pasi është përballur me shumë sfida, veçanërisht teksa kujton kur foshnja e saj ka qenë në rrezik për jetën. Nga ana tjetër mjekët flasin për parandalimin në kohë.

Sipas përkufizimit të përdorur gjerësisht nga OBSH-ja, çdo foshnjë e lindur para përfundimit të javës së 37-të të shtatzënisë konsiderohet lindje parakohshme./CNA





Lajmet e fundit nga