web counter
LEXO PA REKLAMA!

SHKARKO APP

App Store
Google Play

"Ish-efektivi i Operacionales dhe Ervis Lami, kushërinj”, Artan Hoxha: Mund të jenë përfshirë në zhdukjen e Vis Martinajt

17 Nëntor 2025, 14:26, Aktualitet CNA

"Ish-efektivi i Operacionales dhe Ervis Lami, kushërinj”, Artan

Gazetari Artan Hoxha ka folur lidhur me personin e arrestuar dhe të shpallur në kërkim për shpërthimin me tritol në Kamëz. Për këtë ngjarje, policia ka arrestuar Jeton Lamin, ish-polic i operacionales që shoqëronte Ervis Martinajn, ndërsa në kërkim është shpallur Ervis Lami.

I ftuar në "Euronews", gazetari tha se Jeton Lami dhe Ervis Lami janë kushërinj, ndërsa shtoi se dy kushërinjtë mund të kenë lidhje dhe me zhdukjen e Ervis Martinajt.

“Jeton Lami është kushëri me Ervis Lamin. Jeton Lami u bë pjesëtar i Forcave të Policisë, në fund ishte pjesëtar i Operacionales. Dhe jo më kot Ervis Martinaj e kishte marrë nga Operacionalja njeriun që e shoqëronte. Jeton Lami është njeriu i fundit që ka çuar Brilant Martinajn dhe dy personat e tjerë para se të ndodhte ngjarja. Po ashtu ishte dhe i fundit që shoqëroi Ervis Martinajn. Ka pasur lidhje direkte mes tij dhe ish-drejtorit të Përgjithshëm, Gledis Nano, kur u thirr për Vis Martinajn, që s'e morëm vesh kurrë. Është fakt që për çështjen 'Martinaj' ai nuk ndihmoi. Mustafa Martinaj më tha se nuk besonin që Lami do bashkëpunonte me policinë. Përfshirja e Jeton Lamit në këto dy ngjarje nxori në skenë dhe Ervis Lamin, të njohur si “kamzaliu”. Ervis Lamin e kemi njohur si pjesëtar të grupit të Admir Tafilit dhe ndihmoi në arratisjen e famshme nga burgu i Drenovës. Pas ngjarjes së Ervis Martinajt ka dalë në skenë fuqishëm. Është njeriu që është dyshuar si i përfshirë në ngjarjen e Ervis Martinajt, duke pasur një person të afërt me të. Nuk ishte më një eksponent i thjeshtë. Ka krijuar strukturën e vet. Jeton Lami dhe Ervis Lami mund të jenë të përfshirë në ngjarjen e 9 gushtit, zhdukjen e eliminimin e Ervis Martinajt“, tha Hoxha. /CNA





Lajmet e fundit nga