web counter
LEXO PA REKLAMA!

SHKARKO APP

App Store
Google Play

Lamallari në Kuvend: KE ka inkurajuar qeverinë për dekriminalizimin e shpifjes për gazetarët

27 Janar 2026, 20:24, Aktualitet CNA

Lamallari në Kuvend: KE ka inkurajuar qeverinë për

Ministri i Drejtësisë, Besfort Lamallari tha sot në Kuvend se paketa e ndryshimeve në Kodin Penal, përfaqësojnë një politikë penale më efikase.

“Kjo paketë ndryshimesh përfaqëson një politikë penale më të qartë më të drejtë dhe efikase. Ajo synon jo vetëm ndëshkimin e krimit por parandalimin e tij. Është hap konkret drejt një sistemi penal modern, funksional dhe plotësisht të përputhshëm me akte europiane”, u shpreh ai.

Lamallari gjatë fjalës së tij bëri gjithashtu me dije se Komisioni Europian ka inkurajuar qeverinë shqiptare sa i përket dekriminalizimit të shpifjes për gazetarët. Lidhur me këtë ministri theksoi ndër të tjera se nuk ka dekriminalizim të shpifjes për “shpifësit serialë” përveçse se për gazetarët.

“Nga gjithçka që është përmendur këtu u tha se nuk është konsultuar me Komisionin Evropian apo që KE e ka kundërshtuar. Është komplet e pavërtetë. Jo shumë larg nga sot ata kanë shprehur për sa i përket dekriminalizimit të shpifjes për gazetarët që inkurajojnë qeverinë shqiptare. Është zgjidhja më e mirë që mund të ofronim duke pasur fokus gazetarët që kryejnë detyrën e tyre dhe jo shpifësit që ka shumë brenda kësaj salle. Ata nuk kanë pse fshihen pas dekriminalizimit të shpifjes por të mbajnë përgjegjësi për deklaratat që bëjnë qoftë edhe kur sillen si shakatore. Nuk ka dekriminalizim të shpifjes për shpifësit seriale përveçse se për gazetarët”, përfundoi Lamallari. /CNA





Lajmet e fundit nga