web counter
LEXO PA REKLAMA!

SHKARKO APP

App Store
Google Play

E fundit!

x

Ambasada Amerikane ndan mesazhin e Sekretarit Rubio: Antisemitizmi nuk ka vend në këtë botë

27 Janar 2026, 14:30, Aktualitet CNA

Ambasada Amerikane ndan mesazhin e Sekretarit Rubio: Antisemitizmi nuk ka vend

Ambasada Amerikane në Tiranë ka ndarë sot një përkujtesë në Ditën Ndërkombëtare të Përkujtimit të Holokaustit.

Përmes një postimi në rrjetet sociale, ambasada ka theksuar një mesazh të rastit të Sekretarit të Shtetit, Marco Rubio, se antisemitizmi nuk ka vend në këtë botë.

“Në Ditën Ndërkombëtare të Përkujtimit të Holokaustit, ne nderojmë gjashtë milionë viktimat hebreje të Holokaustit dhe ritheksojmë përgjegjësinë tonë të përbashkët për të kujtuar të kaluarën dhe për të punuar drejt një të ardhmeje pa dhunë dhe urrejtje.

Siç ka thënë Sekretari Rubio, “Antisemitizmi nuk ka vend në këtë botë”. Shtetet e Bashkuara mbeten të përkushtuara për t’u përballur me antisemitizmin dhe shtrembërimin e Holokaustit. Ne e njohim historinë e veçantë të Shqipërisë si një nga të paktat vende të pushtuara nga nazistët ku hebrenjtë gjetën strehim, falë guximit të shqiptarëve të zakonshëm. Ne mirëpresim partneritetin e vazhdueshëm të Shqipërisë në luftën kundër antisemitizmit, siç është miratimi i saj vitin e kaluar i Praktikave më të Mira për Parimet e Konferencës së Uashingtonit mbi Artin e Konfiskuar nga Nazistët, të cilat çojnë përpara drejtësinë dhe kompensimin për pronën kulturore të periudhës së Holokaustit”,-thuhet në mesazh./CNA





Lajmet e fundit nga