web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Kodin Penal/ Lamallari: Qeveria si kurrë më parë ndërmerr nismën serioze që mbron gazetarët

27 Janar 2026, 20:18, Aktualitet CNA

Ndryshimet në Kodin Penal/ Lamallari: Qeveria si kurrë më

Ministri i Drejtësisë Besfort Lamallari deklaroi në Kuvend se ndryshimet e propozuara në Kodin Penal përfaqësojnë një angazhim të shtetit shqiptar në mbrojtje të lirisë së shprehjes dhe forcimin e demokracisë.

Gjatë fjalës së tij, Lamallari theksoi se për herë të parë qeveria shqiptare ndërmerr një nismë serioze që mbron punën e gazetarëve, duke i çliruar ata nga presioni i procedimit penal i kallëzimit për shpifje.

Sipas Lamallarit, ndryshimet ligjore parashikojnë dekriminalizimin e shpifjes për gazetarët, si dhe garanci shtesë për mbrojtjen e tyre specifike në ushtrimin e profesionit.

Ai e cilësoi këtë hap si një standard të ri për marrëdhënien mes shtetit dhe medias, duke nënvizuar se këto masa synojnë të forcojnë klimën e lirisë së fjalës dhe të informimit në Shqipëri.

“Qeveria shqiptare ka marrë një angazhim që nuk ka ndodhur kurrë më parë, për herë të parë shteti shqiptar shkon me një nismë serioze në mbrojtje të lirisë së shprehjes dhe një vendi më demokratik që përfaqëson punën e gazetarëve pa i vendosur para presionit të procedimit penal.

Nuk mund të ketë ndjekje penale për ta. Nuk jemi mjaftuar këtu. Krahas dekriminalizmit të shpifjes për gazetarët, garantojmë mbrojtje specifike për ta”, tha Lamallari./ CNA





Lajmet e fundit nga