web counter
LEXO PA REKLAMA!

SHKARKO APP

App Store
Google Play

Kufijtë e Zonave të Mbrojtura/ Ekspertët ngrenë hije dyshimi

11 Tetor 2022, 22:46, Aktualitet CNA
Kufijtë e Zonave të Mbrojtura/ Ekspertët ngrenë hije dyshimi
Foto ilustruese

Më 28 dhjetor të 2020-ës, Këshilli Kombëtar i Territorit miratoi ndryshimin e kufijve të Zonave të Mbrojtura, por ekspertët kanë ngritur hije dyshimi për këto ndryshime.

Ata deklarojnë se rishikimi i kufijve të Zonave të Mbrojtura u bë me një nxitim të paparë.

“Rishikimi i kufijve të Zonave të Mbrojtura u bë me një nxitim të paparë, i gjithë procesi u tentua të bëhej për dy muaj dhe vetëm në sajë të luftës së OJF-ve ky proces zgjati, por megjithatë vihej re nxitimi për të hequr sipërfaqe, sidomos ato bregdetare. Ai si proces mund të kryhej, por mënyra se si u krye është tepër nxituar dhe jep duket sikur është i qëllimtë për të hequr këto hapësira”, tha Taulant Bino, Ornitolog/AOS në emisionin “Inside Story”.

Gjithashtu, ekspertët pretendojnë se kufijtë u rishikuan pa një studim të mirëfilltë shkencor dhe publik.

“Ne mbështesim çdo lloj nisme për të shtuar Zonat e Mbrojtura, por ne nuk mund të mbështesim asnjë vendim kur Zonave të Mbrojtura hiqen pa një studim të mirëfilltë shkencor dhe publik”, u shpreh Ferdinand Bego, Pedagog tek Shkencat e Natyrës.

Nga ana tjetër, biologia Ermelinda Mahmutaj deklaroi : “Praktikisht vendimi i KKT-së, ka përcaktuar kufijtë e Zonave të Mbrojtura, në asnjë vend të botës nuk ndodh kjo. Në asnjë kuadër ligjor. Qeveria nuk mund të përcaktojë zonat e mbrojtura, qeveria nuk mund të përcaktojë cilat janë dhe cilat nuk janë zona të mbrojtura”./ B.A. - CNA.al





Lajmet e fundit nga