web counter
LEXO PA REKLAMA!

SHKARKO APP

App Store
Google Play

“Nuk duhet t’i dorëzohemi fatalitetit”/ Kikia, mesazh shqiptarëve: Mos ikni, luftoni që gjërat të ndryshojnë

11 Tetor 2022, 17:50, Aktualitet CNA
“Nuk duhet t’i dorëzohemi fatalitetit”/ Kikia, mesazh
Gazetari Mentor Kikia

Gazetari Mentor Kikia, përmes një postimi në rrjetet sociale, shkruan se Shqipëria nuk ka qenë ndonjëherë më keq se kaq këto 30 vjet.

Kikia thekson, jo vetëm nga pikëpamja ekonomike, por nga pikëpamja e krizës morale, mungesës së shpresës dhe besimit si dhe dëshpërimit që ka pushtuar shoqërinë.

Gazetari shkruan se shqiptarët vazhdojnë të ikin nga vendi me të njëjtën këmbëngulje si në vitet 1990.

Por Kikia jep mesazhin për shqiptarët se nuk duhet të dorëzohen por duhet të luftojnë që gjërat të ndryshojnë.

“Ky vend nuk ka qenë ndonjëherë këto 30 vjet më keq se sot.

Jo nga pikëpamja ekonomike, pra për të ngrënë e për të veshur. Por nga pikëpamja e krizës morale, mungesës së shpresës dhe besimit, si dhe dëshpërimit masiv që ka pushtuar shoqërinë.
Si pasojë e të cilës shqiptarët vazhdojnë me të njëjtën këmbëngulje për t’u larguar nga vendi, si në vitet e para të ‘90-ës, kur ishin bark bosh dhe zhveshur...!

Të thuash “ky vend nuk bëhet” është gjëja më e thjeshtë.

T’u thuash të rinjëve: “Ikni se këtu s’ka më çfarë të bëni” - është dramatike.

Por unë mendoj se nuk duhet t’i dorëzohemi fatalitetit.

Duhet të punojmë dhe luftojmë që gjërat të ndryshojnë.

Unë as nuk do të iki, as nuk do të dorëzohem!”, tha Kikia./ CNA.al





Lajmet e fundit nga