web counter
LEXO PA REKLAMA!

SHKARKO APP

App Store
Google Play

Zhdukja e "bossit" të kumarit/ Artan Hoxha bën deklaratën e fortë: Një sindikatë krimi është mbrapa

11 Tetor 2022, 13:55, Aktualitet CNA

Zhdukja e "bossit" të kumarit/ Artan Hoxha bën

Pak ditë më parë, RENEA ndërmori një operacion në zonën e Shijakut, në kuadër të kërkimeve për zhdukjen e Ervis Martinajt, pasi dyshohet se aty humbi gjurmët ky person i botës së krimit. 

Prej datës 9 gusht "bossi" i lojërave të fatit, është zhdukur pa asnjë gjurmë dhe lidhur me këtë ngjarje është shoqëruar në rajon Endrit Dokle, i cili u la i lirë brenda pak orësh, pasi nuk u gjet asnjë provë që e lidhte atë me këtë ngjarje. 

Lidhur me këtë çështje ka komentuar për "ABC", gazetari investigativ Artan Hoxha, i cili shprehet se kjo çështje nuk mund t'i lihet në dorë vetëm një prokurori në Kurbin, pasi çështja është madhore.

Sipas Hoxhës, është SPAK-u ai që duhet të ndërmarrë një hetim, teksa shtoi se gjithë kjo enigmë po krijohet nga politika dhe nga hetuesit që nuk veprojnë siç duhet për të zbardhur këtë ngjarje.

Lidhur me kontrollet e disa banesave në Shijak, Hoxha shprehet se nëse autorët e mundshëm për zhdukjen e Ervis Martinajt mund të ishin në këtë zonë,pasi kanë kaluar dy muaj nga ngjarja ata kanë pasur kohën e mjaftueshme për të zhdukur provat./CNA.al





Lajmet e fundit nga