web counter
LEXO PA REKLAMA!

SHKARKO APP

App Store
Google Play

E fundit!

x

Pas rreth 7 muajsh i komanduar/ KLP emëron Arens Çelën në krye të Prokurorisë së Tiranës

11 Tetor 2022, 10:55, Aktualitet CNA

Pas rreth 7 muajsh i komanduar/ KLP emëron Arens Çelën në

Arens Çela është emëruar sot zyrtarisht në krye të Prokurorisë së Tiranës.

Vendimi është dhënë sot nga Këshilli i Lartë i Prokurorisë.

Çela u komandua në prill të këtij viti në krye të Prokurorisë së Tiranës, pas largimit të Elisabeta Imerajt.

Arens Çela përfundoi studimet në Shkollën e Magjistraturës në vitin 2006 dhe u emërua prokuror në Prokurorinë e Lushnjes. Më pas, Çela ka drejtuar prokurorinë e Beratit dhe ka mbajtur pozicionin e zv.drejtuesit të Prokurorisë së Krimeve. Në janar 2020, Çela u emërua nga Këshilli i Lartë i Prokurorisë si ndihmësmagjistrat në Prokurorinë e Përgjithshme.

Çela u konfirmua në detyrë më 23 mars 2021 me shumicë votash nga Komisioni i Pavarur i Kualifikimit.

Dy anëtaret në shumicë të trupës së KPK-së, kryesuesja Pamela Qirko dhe relatorja Firdes Shuli u bindën nga shpjegimet e prokurorit Çela për pasurinë dhe dy kriteret e tjerë të rivlerësimit, ndërsa komisionerja Xhensila Pine votoi pro shkarkimit, pasi konstatoi pamundësi financiare për një apartament dhe probleme me profesionalizmin.

Megjithatë, vendimi i KPK-së nuk u ankimua nga komisionerët publikë dhe për rrjedhojë mori formë të prerë./CNA.al





Lajmet e fundit nga