web counter
LEXO PA REKLAMA!

SHKARKO APP

App Store
Google Play

Pagoi 3500 paund për të ikur me gomone/ I riu rrëfen udhëtimin e vështirë drejt Anglisë

10 Tetor 2022, 23:01, Aktualitet CNA
Pagoi 3500 paund për të ikur me gomone/ I riu rrëfen
Andi Allushi

Një i ri nga Tirana ka rrëfyer eksperiencën e tij të largimit me gomone drejt Britanisë së Madhe.

Andi Allushi tha në emisionin “Opinion” se kishte paguar 3500 paund për të udhëtuar si klandestin përmes detit.

Ai tregoi se pasaportën e ka dorëzuar dhe se aktualisht është në pritje të procedurave për azil, apo për një leje pune.

Pjesë nga intervista:

Blendi Fevziu: Kur je larguar drejt Britanisë së Madhe?

Andi Allushi: 17-18 shtator kam arritur të hipi në gomone.

Blendi Fevziu: Kë ke lënë në Shqipëri?

Andi Allushi: Kam lënë familjen time, gruan dhe 2 fëmijët.

Blendi Fevziu: Pse u nise drejt Britanisë?

Andi Allushi: Për një jetë më të mirë… Kam jetuar në Gjermani, u riktheva nuk m’i rinovuan dokumentet dhe për arsye ekonomike u detyrova të shkoja prapë.

Blendi Fevziu: Çfarë të bën të besosh që do t'i marrësh në Britani?

Andi Allushi: Nuk është se kam shpresë që mund të marr dokumente, por që eci me idenë për të ndihmuar familjen time, që fëmijëve e mi të mos u mungojë asgjë. Sepse duke jetuar në Shqipëri e dimë shumë mirë të gjithë se çfarë na jep Shqipëria.

Blendi Fevziu: Andi ke udhëtuar me gomone, sa pagove për të gjithë këtë operacion?

Andi Allushi: Vetëm rruga më ka kushtuar 3500 paund.

Blendi Fevziu: Dhe çfarë pune do të bësh në Angli?

Andi Allushi: Për momentin po punoj në ndërtim.

Blendi Fevziu: Dhe duke punuar në ndërtim e nxjerr këtë shpenzim të investimit që ke bërë?

Andi Allushi: Normalisht po./ B.A. - CNA.al





Lajmet e fundit nga