web counter
LEXO PA REKLAMA!

SHKARKO APP

App Store
Google Play

"Konfliktet brenda PD-së kanë ndikuar jetën parlamentare"/ Zbulohet draft-raporti i KE-së për Shqipërinë

11 Tetor 2022, 12:01, Aktualitet CNA

"Konfliktet brenda PD-së kanë ndikuar jetën

Komisioni Europian ka paraqitur raportin e progresit për vendet e Ballkanit Perëndimor, që pritet të miratohet në 12 tetor. 

Lidhur me Shqipërinë dhe Maqedoninë e Veriut, raporti cilëson se këto dy vende kanë nisur negociatat e anëtarësimit, duke shënuar kështu një moment historik në raportet e këtyre dy vendeve në raport me BE-në.

Një tjetër zhvillim pozitiv për Shqipërinë, është se lufta ndaj korrupsionit ka bërë hapa përpara, ku si shembull përmenden dënimet ndaj disa ish-zyrtarëve të lartë të shtetit. 

Komisioni ka paraqitur edhe disa kritika, ku thuhet se Shqipëria duhet të bëjë më shumë punë për forcimin e strukturave për integrimin në BE, duke theksuar më tej se duhet rritur bashkëpunimi me opozitën dhe shoqërinë civile. 

Një pikë tjetër kyç e raportit cilëson se konflikti i brendshëm opozitar (PD) ka ndikuar në jetën parlamentare të Shqipërisë. 

Pastrimi i parave, emigrimi i jashtëligjshëm, sidomos i të miturve, ishte po ashtu një kritikë e fortë për zhvillimet në vend. 

Një tjetër problematikë lidhet me fenomenin e pastrimit të parave, ku kërkohet më tepër punë./CNA.al





Lajmet e fundit nga