web counter
LEXO PA REKLAMA!

SHKARKO APP

App Store
Google Play

E fundit!

x

90.7% e qytetarëve e vlerësojnë negativisht/ Ilir Meta sulmon hartuesit e sondazhit

11 Tetor 2022, 13:48, Aktualitet CNA

90.7% e qytetarëve e vlerësojnë negativisht/ Ilir Meta

Figura më pak e pëlqyer është kryetari i Partisë së Lirisë, Ilir Meta, ku 90.7% e të targetuarve e kanë vlerësuar negativisht, ndërsa vetëm 6.7% e tyre kanë shprehur vlerësim pozitiv.

Këto kanë qenë rezultatet e një sondazhi të bërë nga "Euronews" lidhur me pëlqyeshmërinë e figurave politike.

Në konferencën për media, Meta është pyetur për këto rezultate dhe reagimi i tij ka qenë sulmues.

Meta ka thënë se ky sondazh është i bërë nga inceneratorët.

Më pak i preferuari mendon se mesazhi që ai jep mund të dëgjohet nga qytetarët dhe këtë ka bërë edhe ditën e sotme.

“Do t'u kërkojmë shqiptarëve të ndëshkojnë kandidatët e rilindjes për këtë shpërdorim total që kanë bërë. Ky është mesazhi ynë, sepse ndëshkimi është shumë i rëndësishëm edhe për atë që do të vijë nesër në opozitë. Mesazhi i Partisë së Lirisë është shumë i qartë: ndëshkim për këtë katastrofë menaxhimi të rilindjes.

Aleanca e Ilir Metës është me qytetarët e Shqipërisë. Për sa u takon problemeve të brendshme të Partisë Demokratike jam përpjekur që të mos ketë dy parti. Kam qenë unë që i kam nxjerrë nga cadra.

Ne raportin e kemi me kushtetutën, e kemi me demokracinë, e kemi me oligarkët se ku qëndrojnë të tjerët do ta tregojnë në të ardhmen.

Do t'i ftojmë të gjithë të ndëshkojnë rilindjen, këtë sekt të babëzitur që nuk njeh ligj, që nuk njeh normë. Ne kemi vetëm një luftë, luftën me sektin e Rilindjes”, është shprehur Meta./CNA.al





Lajmet e fundit nga