web counter
LEXO PA REKLAMA!

SHKARKO APP

App Store
Google Play

E fundit!

x

"Në policinë e shtetit ka shumë bërryla"/ Karamuço: Pse u largua Gledis Nano

11 Tetor 2022, 22:27, Aktualitet CNA
"Në policinë e shtetit ka shumë bërryla"/
Eksperti i Kriminalistikës, Ervin Karamuço

Eksperti i Kriminalistikës, Ervin Karamuço, ka folur për largimin nga detyra të ish-kreut të policisë së shtetit, Gledis Nano.

I ftuar në emisionin "Log" me Endri Xhafon, Karamuço tha se, Nano para se të largohej ka dërguar një shkresë në SPAK, ku ka kërkuar hetim për disa punonjës të policisë së shtetit që paguheshin nga krimi i organizuar.

Ndër të tjera, Karamuço tha se në policinë e shtetit ka shumë bërryla dhe ikja e Gledis Nanos është një nga këto arsye.

 “Çështja e Gledis Nanos është çështje politike jo teknike. Për deklaratën që ka dhënë në median franceze e kam kritikuar drejtpërdrejtë, duke i thënë nuk e kishe ti të drejtën që të thoshe që është dekonspiruar operacioni. Struktura të caktuara të policisë punojnë me dy paga, nga njëra anë në shtet nga ana tjetër nga krimi. Në këtë studio unë kam folur me metaforë dhe thashë se mos do kontrollojnë nja dy banesa që do të nxjerrin emrat e policëve. Para se të largohej Nano ka çuar një shkresë në SPAK, ku janë përmendur disa nga gjërat, dhe ai ka kërkuar hetim për disa punonjës të policisë së shtetit që paguheshin nga krimi i organizuar. Ajo shkresë është një 'Kuti Pandore' tregon se ai ka pasur një dedikim shumë të madh  në luftën kundër korrupsionit që nuk duhet ta bënte vetëm ai. Ne kemi 100 policë të certifikuar, por kemi shumë të tjerë që flenë me krimin e organizuar. Duhet të funksionojë vetingu i vazhdueshëm i policisë së shtetit. Tani vjen në krye të AMP-së dikush që të gjithë e dimë si është larguar, dosjen e parë që kërkoi ishte dosja e tij, por aty ai do të shohë se kush e ka hetuar. Ushtria shqiptare është shumë më solide, kurse në policinë e shtetit ka shumë bërryla, dhe ikja e Gledis Nanos është një nga këto arsye”, tha Karamuço./ CNA.al





Lajmet e fundit nga