web counter
LEXO PA REKLAMA!

SHKARKO APP

App Store
Google Play

E fundit!

x

“Përtej skenës, një jetë me këmbë në tokë”/ Inva Mula: Jam e dashuruar

11 Tetor 2022, 21:04, Aktualitet CNA
“Përtej skenës, një jetë me këmbë në
Drini Zeqo dhe Inva Mula

Artistja e njohur shqiptare, Inva Mula, gjatë një interviste për "A2CNN", me gazetarin Drini Zeqo, ka rrëfyer shumë detaje nga jeta e saj private dhe artistike.

Sopranoja e famshme ka treguar se jeta e saj përtej skenës është një jetë me këmbë në tokë, duke theksuar se vë para gjithçkaje familjen.

Sipas saj një nga çelësat e suksesit dhe të shkëlqyerit në art është të pasurit një jetë të shëndetshme familjare.

“Jeta ime përtej skenës është një jetë me këmbë në tokë. Nuk do thoja modeste apo e thjeshtë se varet çfarë kuptojnë me modesti dhe thjeshtësi. Unë jam një grua e cila ka dashur të mbajë fort familjen. Për mua familja është gjithçka dhe ky është suksesi. Dështimet në skenë e keni parë që janë të lidhura me jetën personale.  Jeta personale, jeta familjare e shëndetshme bën që të shkëlqejë jeta në art”, tha Mula.

E pyetur nga gazetari Drini Zeqo, nëse është e dashuruar, nëse ka një njeri në jetën e saj me të cilin është e dashuruar, artistja shprehet që patjetër është e dashuruar, duke theksuar se është një grua e martuar. Kështu ajo ka hedhur poshtë edhe një herë zërat për ndarje, lajme të cilat qarkulluan kohë më parë në media, duke treguar se është e dashuruar me gjithçka të bukur. 

“Po unë nuk jam single, jam grua e martuar, kam familjen time. Për dashurinë nuk flitet, dashuria përjetohet. Jam e dashuruar, e dashuruar me jetën në radhë të parë, jam dashuruar me gjithçka të bukur dhe më pas futen marrëdhëniet e bukura që ti ke me bashkëshortin me fëmijët me rrethin”, tha Mula./ CNA.al





Lajmet e fundit nga