web counter
LEXO PA REKLAMA!

SHKARKO APP

App Store
Google Play

E fundit!

x

Largimi masiv i të rinjve/ Shehi tregon formulën, ‘leksione’ qeverisë për frenimin e fenomenit

11 Tetor 2022, 20:15, Aktualitet CNA
Largimi masiv i të rinjve/ Shehi tregon formulën,
Kreu i LZHK-së, Dashamir Shehi

Kreu i LZHK-së, Dashamir Shehi, ka treguar formulën që të frenohet largimi masiv i të rinjve nga vendi.

Shehi thekson se qeveria duhet ta nisë frenimin e largimit të të rinjve, duke filluar të rrisë rrogat, dhe jo të investojë para në gjëra boshe.

I ftuar në emisionin "Frontline", Shehi tha se duhet luftuar korrupsioni, të përmirësohet sistemi arsimor.

“Në 10 vjet të qeverisjes së Ramës kanë ikur 400 mijë vetë, ja 100 mijë kthehen, ama 300 mijë kanë mbetur atje. Shoqëria shqiptare po plaket, rinia po ikën. Çfarë duhet të bëjmë ne?

Ta fillojmë nga rrogat. Sikur të kurseheshin disa nga investimet boshe dhe të ktheheshin nga pagat, do frenohej largimi. Një çift mund ta blejë një shtëpi kështu, ta mbajë makinën. Të ngremë rrogat, me një plan, të biem dakord.

Nga këto arnimet e vogla janë bërë, unë jam për një rritje bllok, e gjithë piramida. Paratë janë. Plus do bëjnë një gjë tjetër, do investojmë më pak, do zgjedhim kush është prioriteti më i madh, dhe është pikërisht largimi i të rinjve. Brenda 3-4 viteve të vijë dyfishi i rrogave. Sigurisht që është sakrificë, por kjo është rruga për këtë ekuacion që të ndalojmë rrjedhjen e rinisë shqiptare. Duhet të ulim korrupsionin, dhunën nëpër rrugë, të përmirësojmë sistemin shkollor, këto duan kohë, por kjo e rrogave bëhet në 3-4 vite”, tha ai./ CNA.al





Lajmet e fundit nga