E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Kryepiskopi Joan: Ja kur e kuptova që besimi fetar do të ishte e ardhmja e jetës sime

22 Tetor 2025, 23:22, Aktualitet CNA

Kryepiskopi Joan: Ja kur e kuptova që besimi fetar do të ishte e

Në një intervistë të rrallë me gazetarin Blendi Fevziu në emisionin Opinion Kryepiskopi Joan ka zbuluar se kur e kuptoi që besimi fetar ishte e ardhmja e jetës së tij.

Rrëfimi në emisionin Opinion

Blendi Fevziu: Çfarë historie! Ndërkohë, kur menduat ju që besimi fetar do të ishte e ardhmja e jetës tuaj?

Kryepiskopi Joan: Unë besoj që shkëndija e parë ishte që në momentin kur lexova ungjillin.

Blendi Fevziu: Që në moshën 18 vjeçare.

Kryepiskopi Joan: Që kur lexova atë. Nuk... se kisha bërë një betim, kupton ti, po që nuk shikoja një mënyrë tjetër të jetesës në jetën time.

Blendi Fevziu: Kur e morët vendimin që realisht do dorëzoheshit prift?

Kryepiskopi Joan: Pothuajse, edhe para pagëzimit.

Blendi Fevziu: Para pagëzimit?

Kryepiskopi Joan: Me dëshirën gjithmonë, se nuk e dinim se çfarë do ndodhte.

Blendi Fevziu: Jo, patjetër. Në vitin '80... '84 komunizmi dukej i pakontestueshëm dhe i palëvizshëm.

Kryepiskopi Joan: Edhe kur ju thonja të tjerëve, për shembull, nganjëherë, ca shokëve të ngushtë, shikonin pak si me habi. Se çfarë prifti, ku ka? Thotë, "Po...

Blendi Fevziu: Po me miqtë kur bisedonit, mendonit që komunizmi mund të binte?

Kryepiskopi Joan: Shpresa gjithmonë ishte që një ditë, po nuk e dinim që do...

Blendi Fevziu: Po nuk kishe materializuar...

Kryepiskopi Joan: Nuk e dinim që do ndodhte në jetën tonë apo do ndodhte diku më vonë. Sepse unë besoj që e keqja e prish vetë veten. Nuk mund të vazhdojë kohë të gjatë ajo.

Blendi Fevziu: Varet si ta shohësh, në Rusi zgjati 70 e ca vjet.

Kryepiskopi Joan: Po, mund të zgjaste dhe prapë do prishet. Po një moment po, patjetër. Nuk mban dot ajo gjë.

Blendi Fevziu: Kur e ndjeve që komunizmi po binte?

Kryepiskopi Joan: Po nga fundet e viteve '80.

Blendi Fevziu: E kuptove që do vinte.

Kryepiskopi Joan: Po filloi diçka të lëvizte. Sidomos pastaj mbas ngjarjeve në Rumani, pothuajse u bë e qartë.

Blendi Fevziu: U kuptua që do ishte çështje ditësh apo muajsh po as vitesh nuk e kapte.

Kryepiskopi Joan: Dhe prandaj dhe në vitet '90 ne u larguam. Isha unë, Petro Zheji dhe një kushëri i Petro Zhejit, dhe ishte dënuar 17 vjet në burg.

Blendi Fevziu: Dhe u larguat të tre bashkë?

Kryepiskopi Joan: Për tentativë arratisje ai. Po. U liruan atëherë sa u liruan ashtu dhe shkuam fillimisht në Itali. Nga Italia pastaj në Amerikë./ CNA